Сузакта мойнунда жүнү, бутунда кайык калагындай манжалары бар куш кармалды

Жазылуу
Он күндөн бери айыл тургундары кармалган куш кайсы канаттуу экенин билбей келет. Сырткы келбети өрдөккө окшош болгону менен мойнунда үрпөйгөн жүндөрү, бутунда кайык калагындай манжалары бар.

Жалал-Абаддын Сузак районуна караштуу Кара-Дарыя айылынын тургундары талаада жүргөн жеринен белгисиз канаттууну кармап алышып, үй шартында багып жатышат. Он күндөн бери айыл тургундары кармалган куш кайсы канаттуу экенин билбей келет. Сырткы келбети өрдөккө окшош болгону менен, мойнунда үрпөйгөн жүндөрү, бутунда кайык калагындай манжалары бар. 

Караколдун зоопаркында туулган тайлакка социалдык тармакта татыктуу ысым издешүүдө
Кара-Дарыя айыл өкмөтүнүн Чаңгыр-Таш айылынын тургуну Тимур Нуралиев он күн мурун талаадагы шалысын оргону бара жатып, өрдөккө окшош жаныбарды кармап алган. Айыл тургундары бул жаныбардын аталышын билбегендиктен, Нуралиев аны "кобра куш" деп атап алган. Анткени анын мойнунда жүндөрү кобранын элесине окшоп кетет. 

Аталган жаныбар учурда капаста багылууда. Ал балык, бака менен тамактанат. 

Кармалган канаттуунун сүрөтүн көргөн орнитолог Эмил Шүкүров Sputnik Кыргызстан агенттигине канаттуунун "Чоң арам өрдөк" экенин билдирди. Анын айтымында, бул канаттуу өлкөдө эки ай гана туруп, башка өлкөлөргө учуп кетет. Алар Ысык-Көл, Соң-Көл жана Чатыр-Көлдө жашашат. Чоң арам өрдөк Кызыл китепке кирген. 

Жаңылыктар түрмөгү
0