Ачык асман алдында кулпуруп өскөн айгүл гүлү

Жазылуу
Өрүктүн мекени делген Баткенде дүйнөнүн саналуу гана жеринде кездешчү айгүл гүлү да өсөт. Ал илимде Рябчик Эдуарда деген ат менен белгилүү.

Бишкектиктер пенсионерлердин гүлдөрдүн кыя өтпөй сатып ала башташты
Айгүл гүлү апрель айында гүлдөп баштайт. Андыктан аны көрүү үчүн алыскы жана жакынкы чет мамлекеттен келген туристтер менен жергиликтүү тургундардын аягы үзүлбөйт. Бул гүл Кыргызстандын "Кызыл китебине" киргизилип, коргоого алынган. Жергиликтүү бийлик Айгүл тоонун айланасын тосуп, туристтер үчүн шарт түзгөнгө аракеттерди көргөн. Ошондой эле анын айланасына бак-дарактар тигилген.

Айгүл гүлү бир гана тоодо эмес, Айгүл Тоого жакын жайгашкан айылдагы үйлөрдө да өстүрүлүп келет.

Кара-Булак айылынын тургуну Темирлан Калдаров айгүл гүлүн үйүнө анын атасы тиккенин айтат.

"Айгүл гүлүн аталарыбыз тиккен. Анын уругу бир жылда эле гүл ачпайт. Кеминде он жыл керек. Биринчи жылы өнүп-өсүп чыгат. Андан кийин бир аздан узарып өсөт. Он жыл дегенде гана алгачкы коңгуроолорун байлайт. Ал гүл ачканда 10-15ке чейин коңгуроосу ачылат", — дейт ал.

Калдаров айгүл гүлү өтө назик болгондуктан, аны өстүрүү өтө кылдаттыкты талап кыларын кошумчалады.

Жаңылыктар түрмөгү
0