Бишкектин эски аянтында шаршемби күнү кечинде Патрулдук милициянын түзүлүшүнө карата милициянын гарнизондук жыйынына даярдык болуп өттү.
Расмий иш-чара 1-апрелге белгиленген. Ушундан баштап Бишкек, Чүй жана Ысык-Көл облустарында Ички иштер министрлигинин патрулдук милициянын башкы башкармалыгы иштей баштайт.
ШИИБдин маалыматына ылайык, жыйынга премьер-министр Темир Сариев, ИИМ башчысы Мелис Турганбаев келди.
"Бишкек Чүй облусунун 300 милиция кызматкери катышат. Мындан тышкары, Россиядан алынган Lada Priora унаалары көрсөтүлөт", — деп айтылат билдирүүдө.
Эскерте кетсек, 3-март күнү премьер-министр Жол кайгуул кызматы менен Кайгуул посттук кызматты бириктирүү боюнча токтомго кол койгон.
Республиканын калган аймактарында жаңы кызмат 1-июлдан тарта ишке кирет.
