Композитор жана акын Бишкекте кайыр сурап турат

Жазылуу
Евгений Гуменниктин өзүнүн айтымында, күнүнө 500 сомго жакын табат экен. Пенсионер өз ырлар жыйнагын чыгарганга жана үйүн оңдогонго акча топтоп жатыптыр.

Сурап алар эч кими жок 97 жаштагы пенсионер 20 жылдан бери Жаңы жылды жалгыз тосот
64 жаштагы пенсионер Евгений Гуменник "3 миң сом пенсия жетпегендиктен", көчөдө чоор ойноп нан таап жегенге аргасыз экенин Sputnik Кыргызстан маалымат агенттигинин кабарчысына айтып берди. 

Анын жеке архивинде 600дөй ыр жана 50дөн ашык музыкалык композиция бар. Ырларын ал бир нече жыйнак кылып чыгарсам дейт, ал эми музыкасын болсо жаздырып, "элге алып чыксам" деген тилеги бар. 

Композитор жана акын күн сайын 500 сомдой табарын жана беш жылдан бери ырлар жыйнагын чыгарганга акча топтоп жүргөнүн айтат. Андан тышкары, чыгармачыл кечелерди уюштуруп, композиторлорду чакырып туруш үчүн өз үйүн оңдоону пландап жүрөт. 

Маек учурунда сынык пианинодо ойноп берген өзүнүн сүйүктүү композициясын Гуменник Кыргызстандан көчүп кеткен мыкты досуна арнаптыр. Коштошуу күүсүн ал "Арноо" деп атаган. 

Жаңылыктар түрмөгү
0