16-ноябрда козголгон кылмыш иши боюнча тергөө ыкчам иликтөө иштеринин натыйжасында Ноокат районунун Кулатов айыл өкмөтүнүн Кулуштан айылынын кылмышка шектүү болгон тургуну 19 жаштагы Р.Ж. аныкталган. Аны менен бирге кылмыштуу топту түзгөн Ноокат районунун 19 жана 20 жаштагы төрт тургуну кармалып, бул боюнча оперативдик иликтөө иштери жүргүзүлгөн.
"Мерседес-бенц 200" үлгүсүндөгү автоунааны айдап качкан деп шектелген Ноокат районунун Кулуштан айылынын 19 жаштагы тургуну жашаган үйдү тинтүү учурунда чогултулган курал-жарак табылган.
Үйдөн үч граната, автоматтын беш огу, төрт даана автомат магазиндери, милициянын эки баш кийими жана бир камуфляжы, төрт даана күбөлүктүн сырты, 15 симкарта, жыйырмага жакын ар кандай автоунаа ачкычтары, үч флешкарта алынган. Аларга карата тиешелүү экспертизалар дайындалды.
