17:12 16 Үчтүн айы 2018
Түз эфир
Видео

Өкмөт башчы Сариев: Бишкекти базарга айлантпайлы

Кыскача шилтеме алуу
20650
© Sputnik / Таалайбек Ороскулов

Өкмөт башчы Темир Сариев Бишкектин курулуп жана оңдоп-түздөө иштери жүрүп жаткан жолдору менен бул сапар да таанышып чыкты.

Өкмөт башчы Темир Сариев Бишкектин курулуп жана оңдоп-түздөө иштери жүрүп жаткан жолдору менен бул сапар да таанышып чыкты. Аны менен бирге Транспорт жана байланыш министри Аргынбек  Малабаев, Бишкек шаарынын мэри Кубанычбек Кулматов жана мэриянын башка жооптуу кызматкерлери кошо жүрдү.  Иш-чаранын жүрүшүндө Сариев  жол курулуштарынан сырткары шаар башчысына тазалык маселеси борбор калаада жакшы каралбай калгандыгын айтты. 

"Таштандыларды керек болсо, эртең менен кечинде, эки ирет чыгаргыла. Баары сиздин колуңузда, басмайылды бекемирээк тартыңыз", — деди Сариев мэрге.

Ал жолду кыдырып чыккандан кийин оңдоо-түздөө иштери шаардын чоң базарга айланып кетишине себеп болбошу керектигин айтты.

"Эгерде салынып жаткан жолдо мыйзамсыз коюлган  кафе, дүкөн, киосктор кездешсе, аны  эч аёосуз эле алуу зарыл. Бишкек базарга айланбашы керек", — деди өкмөт башчы.

Ал мындай жагдайда ураан, плакаттарды көтөрүп алып Ак үйдүн алдына чыгуу жардам бербесин айтып, шаардыктарды мэрия менен өкмөттүн жүргүзүп жаткан иштерин колдоого чакырды.

Тема боюнча

Сариев: Бишкекте газ менен иштеген автобустар жүрө баштайт
Сариев: транспорт министри менен Бишкек мэри иш күнүн жолдорду текшерүүдөн башташы керек
Белгилер:
жол оңдоо, текшерүү, Темир Сариев
Колдонуу эрежелериПикирлер

Дагы видео

ЭҢ МААНИЛҮҮ