Чүйдүн улакчылары көк бөрү боюнча республикалык мелдеште чемпион болушту

© Sputnik / Табылды КадырбековКөк бөрү боюнча мелдеш. Архив
Көк бөрү боюнча мелдеш. Архив - Sputnik Кыргызстан, 1920, 24.10.2021
Жазылуу
Турнир облустук форматта өтүп, ага өлкөнүн жети облусу менен Бишкек, Ош шаарларынын командалары катышты. Оюндар Сокулуктагы "Белек" ат майданында өттү.
БИШКЕК, 24-окт. — Sputnik. Чүй облусунун командасы Көк бөрү федерациясынын 25 жылдыгына жана улуттук оюндун эрежелерин иштеп чыккан авторлордун урматына арналган республикалык мелдешти жеңип алышты. Бул тууралуу аталган федерациянын маалымат кызматы билдирди.
Чүйлүктөр финалда Ош облусунун командасы менен кез келип, 8:2 эсебинде утуп кетишти.
Улуттук оюндун эрежелерин иштеп чыккан Болот Шамшиев, Темир Дүйшөкеев, Болот Шер, Мамыркожо Бөкөнбаев жана Жетиген Маадановдун урматына арналган мелдеш 18-октябрда башталган.
Чемпионат Республики Алтай по национальной игре кок-бору - Sputnik Кыргызстан, 1920, 28.09.2021
Камчаткадагы кыргыздар "Көчмөндөр оюну" этноспорттук фестиваль өткөрөт
Облустук форматтагы турнирге өлкөнүн жети облусу менен Бишкек, Ош шаарларынын командалары катышты. Үчүнчү орунга Талас, төртүнчүгө Ысык-Көл командалары илинди.
Оюндар Сокулуктагы "Белек" ат майданында өттү.
Байгелүү орундарды ээлегендерге акчалай сыйлык берилди. Мындан сырткары, мелдеште өзгөчөлөнгөн улакчылар менен мыкты аргымактарга да белектер ыйгарылды.
Жаңылыктар түрмөгү
0