11:47 02 Бештин айы 2021
Түз эфир
  • USD84.7969
  • EUR95.9477
  • RUB1.1463
Спорт
Кыскача шилтеме алуу
934 0 0

Бүгүн өткөн жарым финалдык таймашта Чүй облусу Ысык-Көлдү 6:1 эсебинде утса, Ош облусу Таластын командасын 1:0 менен жеңди.

БИШКЕК, 22-окт. — Sputnik. Сокулуктагы "Белек" ат майданында өтүп жаткан көк бөрү боюнча республикалык чемпионаттын финалында Чүй менен Ош облусунун командалары беттешет. Бул тууралуу аталган спорт боюнча федерациянын маалымат кызматы билдирди.

Бүгүн өткөн жарым финалдык таймашта Чүй облусу Ысык-Көлдү 6:1 эсебинде утса, Ош облусу Таласты 1:0 менен жеңген.

Аталган турнир өлкөнүн Көк бөрү федерациясынын 25 жылдыгына жана улуттук оюндун эрежелерин иштеп чыккан авторлордун урматына арналып өткөрүлүүдө. Мелдеш облустук форматта уюшулуп, ага өлкөнүн жети дубаны жана эки шаарынын командалары катышып күч сынашты.

Мелдештин үчүнчү оруну жана башкы байге үчүн финалдык беттештер 24-октябрда өтөт.

Эскерте кетсек, улуттук Көк бөрү федерациясынын уюшулганына быйыл чейрек кылым болду. Оюндун эрежелерин Болот Шамшиев, Темир Дүйшекеев, Болот Шер, Мамыркожо Бөкөнбаев жана Жетиген Мааданов иштеп чыккан.

 

Тема боюнча

Мээрим алдыга чыкты. Кыргыз балбандары UWW уюмунун рейтингинде секирик жасашты
Белгилер:
Көк бөрү, Сокулук, мелдеш, чемпионат

ЭҢ МААНИЛҮҮ