Келгиле, баарлашалы. Рафаэль Физиев Бишкекте жолугушууга чакырды. Видео

© Sputnik / Александр Гальперин / Медиабанкка өтүүКыргызский боец Рафаэль Физиев
Кыргызский боец Рафаэль Физиев - Sputnik Кыргызстан, 1920, 21.08.2021
Жазылуу
UFC жылдызы 1-сентябрда Asia mall соода борборунда элди жолугушууга чакырып, кызыккан суроолордун бардыгына жооп берүүнү убадалады.

БИШКЕК, 21-авг. — Sputnik. UFC уюмунун беттештеринде ат салышкан кыргызстандык белгилүү мушкер Рафаэль Физиев күйөрмандарын Бишкекте боло турчу жолугушууга чакырды.

Посмотреть эту публикацию в Instagram

Публикация от Rafael Fiziev (@rafael_ataman_fiziev)

Жолугушуу 1-сентябрь күнү саат 18.00дө борбор калаадагы Asia mall соода борборунда өтөт. Спортчу иш-чара "Batyr Bashy" промоутерлик компаниясы менен кошо уюштурулуп жатканын айтты.

"Баарыңарга салам! Кыргызстан, кыргызым, Бишкек, салам... 1-сентябрда баарыңар келгиле, көргөнүмө кубанычта болом. Баарлашалы, кызыккан сурооңорду бергиле. Жолугушуу жакшы өтөт деп ишенем", — деген мушкер.

Жогорку Кеңештин төрагасы Талант Мамытов мекенине келген Кыргызстандык UFC мушкери Рафаэль Физиевди кабыл алды - Sputnik Кыргызстан, 1920, 13.08.2021
ЖК төрагасы UFC мушкери Рафаэль Физиевге энчилүү саат белек кылды
Белгилей кетсек, Физиев Кыргызстанга өткөн жумада келип кеткен. Соцтармактарда аны аэропорттон үй-бүлөсү гана тосуп алганы, бийлик өкүлдөрү ага эч кандай маани бербегени сындалды. Жарандар август айынын башында Кыргызстанга келген Хабиб Нурмагомедовдун сапары менен салыштырышкан. Бирок спортчу өзү мындай салтанаттарды жактырбай, тынч келип-кеткенди жакшы көрөрүн жана эч кимге капа эместигин билдирген.

Эске салсак, "Атаман" каймана аттуу кыргызстандык мушкер өткөн акыркы кармашында АКШлык Бобби Грин менен кез келип, аны жеңип алган. Бул кармаш "кеченин таймашы" жана "абсолюттук шоу" болуп, мушкерлердин ар бири бонус катары 50 миң доллардан сый акы алышкан. Физиев муну менен Абсолюттук мушкерлер чемпионатында төртүнчү ирет удаасы менен жеңишке жетти.

Жаңылыктар түрмөгү
0