Көк бөрү: президенттин кубогу мелдешине үч өлкөнүн командалары да катышат

© пресс-служба ГАМФКиСКубок президента КР по кок бору в Чолпон-Ате
Кубок президента КР по кок бору в Чолпон-Ате - Sputnik Кыргызстан, 1920, 21.08.2021
Жазылуу
Сырттан келгендер мелдештин эл аралык лигасында ат салышат. Анда Кыргызстандын биринчи лигасынын үч командасы да ойнойт.

БИШКЕК, 21-авг. — Sputnik. Кыргызстандын эгемендүүлүгүнүн 30 жылдыгына карата Көк бөрү боюнча президенттин кубогу эл аралык мелдешине чет өлкөдөн келген командалар катышат. Бул тууралуу Көк бөрү федерациясынын маалымат кызматы билдирди.

Посмотреть эту публикацию в Instagram

Публикация от Федерация Көк-Бөрү (@kokboru_federation)

Сырттан келгендер мелдештин эл аралык лигасында ат салышат.

"Эл аралык лигага Өзбекстан, Воронеж-Чолпонбай (Россия), Алтай Республикасы (Россия) сыяктуу командалар катышат. Ага өлкөнүн биринчи лигасындагы Жети-Өгүз, Бакубат-Талас, Сокулук командалары киргизилген. Лигада чет өлкөдөн келгендер өзүнчө, Кыргызстандан чыккан командалар өзүнчө топто күч сынашып, эки топтун лидери финалда кез келет", — деп айтылат билдирүүдө.

Алар үчүн 25-августта чүчү кулак тартылат.

Президент Ассоциации Дордой, общественный деятель Аскар Салымбеков - Sputnik Кыргызстан, 1920, 26.07.2021
Радио
Салымбеков: көк бөрүнү даңазалоо максатында даректүү тасма тартыла баштады
Аталган мелдешке АКШ, Афганистан, Башкыртстан, Тажикстан өлкөлөрүнүн жана Чита шаарынан командалар катышуу ниетин билдирген. Бирок учурдагы айрым саясий кырдаалга, эпидемиологиялык шартка ылайык мелдешке катыша албай калды.

Эскерте кетсек, 22-августта биринчи лиганын командаларына чүчү кулак кармалып, тайпалык оюндар 23-августта башталат.

Ал эми эл аралык жана жогорку лигада 25-августта атаандаштар аныкталып, 26сында мелдеш өтөт.

Жаңылыктар түрмөгү
0