Хабиб кандай учурда октагонго кайтышы мүмкүн. Менеджердин жообу

© AFP / Harry How / Getty ImagesUFC уюмунун жеңил салмактагы чемпиону Хабиб Нурмагомедов. Архив
UFC уюмунун жеңил салмактагы чемпиону Хабиб Нурмагомедов. Архив - Sputnik Кыргызстан
Жазылуу
Конор Макгрегорду кошкондо дагы бардык күчтүү атаандаштар Хабибдин спорттук карьерасын улантышына түрткү бере алышы мүмкүн эмес.
БИШКЕК, 3-янв. — Sputnik. UFC уюмунун жеңил салмактагы чемпиону Хабиб Нурмагомедовдун менеджери Али Абдель-Азиз россиялык мушкер 2021-жылы карьерасын кандай шартта башташы мүмкүн экендигин айтып берди. Бул тууралуу ал TMZ басылмасына берген интервьюда билдирген.
Мушкердин өкүлүнүн айтымында, 39 жаштагы Жорж Сен-Пьер дагы спорттук карьерасын калыбына келтирсе, Нурмагомедов 2021-жылы октагонго кайтышы мүмкүн.
"Менин оюмча, эгер Сент-Пьер чындап эле мушташка кайтып бара турган болсо, анда Хабиб дагы кайтышы мүмкүн", — деди менеджер.
Абдель-Азиз ирландиялык Конор Макгрегордун өч алуусу үчүн ири акча сунуштала турган реванш дагы россиялык чемпионду октагонго кайтууга көндүрүшү күмөн экендигин белгилеген.
"Бул каржылык жактан алганда олуттуу иш, бирок Хабибди акча менен көндүрүү өтө кыйын экендигин билебиз", — деди ал.
UFC уюмунун жеңил салмактагы чемпиону россиялык мушкер Хабиб Нурмагомедов - Sputnik Кыргызстан
Миссиямды аткардым. Хабиб кайра октагонго чыгар-чыкпасын айтты
Орусиялык мушкер октябрда америкалык Жастин Гэтжини утуп, үчүнчү ирет чемпиондук титулун коргогон. Беттештен кийин 32 жаштагы Нурмагомедов спорттук карьерасын жыйынтыктаганын жар салган. Кийинчерээк UFC президенти Дана Уайт бир нече жолу Хабибдин октагонго кайра чыгарын ишенимдүү айткан.
Нурмагомедов дагы UFC жетекчиси анын октагонго кайтышын каалап, улам-улам мыкты шарттарды жана жаңы атаандаштарды сунуштап жатканын билдирген.
Жаңылыктар түрмөгү
0