Муролим Ахмедов "Нефтчи" футбол клубунун намысын коргойт

© Фото / пресс-служба ФФКРКыргызстандын улуттук курама командасынын жарым коргоочусу Муролим Ахмедов
Кыргызстандын улуттук курама командасынын жарым коргоочусу Муролим Ахмедов - Sputnik Кыргызстан
Жазылуу
Муролим Ахмедов Кочкор-Ата шаарынын "Нефтчи" командасында 8-номерде ойнойт. Келишим бир сезонго түзүлгөн.

БИШКЕК, 5-авг. — Sputnik. Футбол боюнча Кыргызстандын улуттук курама командасынын жарым коргоочусу, учурда Бангладештин Saif Sporting клубунда ойноп жаткан Муролим Ахмедов Кочкор-Ата шаарынын "Нефтчи" клубунун катарына кошулду. Бул тууралуу аталган команданын директору Бекжан Мамыралиев Sputnik Кыргызстан маалымат агенттигине билдирди.

Анын айтымында, клуб футболчу учурда ойноп жаткан чемпионат токтотулганына байланыштуу аны өз курамына чакырышкан.

"Бангладештин улуттук чемпионаты токтотулгандыктан биз тийиштүү тараптарга байланышка чыгып, Муролим Ахмедовду командабызга чакырдык. Бир сезонго келишим түзүлдү. Ал "Нефтчиде" 8-номер менен ойнойт", — деди Бекжан Мамыралиев.

Муролим Ахмедов 1992-жылы 5-сентябрда Баткен облусунун Кадамжай районунун Үч-Коргон айылында туулган.

КРдин курама командасынын лидер футболчусу Бернхарт "Дордойго" кошулду

Ал футболдук карьерасында Тажикстандын "Худжант", Түркиянын "Самолуксор" клубдарында ойногон. 2012-жылдан 2018-жылга чейин Оштун "Алай" клубунда ойноп, үч ирет Кыргызстандын чепиону болгон. 2017-жылы Кыргызстандын мыкты футболчусу деп таанылган.

2018-жылы Бишкектин "Дордой" командасына кирип, анын курамында өлкө чемпионатын уткан. 2019-жылдан бери Бангладештин Saif Sporting клубунун намысын коргоп келет.

Жаңылыктар түрмөгү
0