Ушул себептен бокс өнүкпөй жатат! Мамагенттик башчысы федерацияны сындады

© пресс-служба ГАМФКиСВстреча директора ГАФМКтС Каната Аманкулова и главного тренера сборной КР Данияра Джусубалиева
Встреча директора ГАФМКтС Каната Аманкулова и главного тренера сборной КР Данияра Джусубалиева - Sputnik Кыргызстан
Жазылуу
Иорданияда өткөн лицензиялык турнирге кыргызстандык алты спортчу катышып, медаль алган эмес. Спорт агенттигинин жетекчиси мындай квалификациялык мелдештерге көңүл бурулушу керектигин айткан.

БИШКЕК, 14-мар. — Sputnik. Жаштар иши, дене тарбия жана спорт боюнча мамлекеттик агенттиктин жетекчиси Канат Аманкулов менен КРдин Бокс боюнча улуттук курама командасынын башкы машыктыруучусу Данияр Жусубалиев жолукту. Бул тууралуу аталган мекемеден билдиришти.

Эскерте кетсек, 29-февралдан 12-мартка чейин Иорданиянын Амман шаарында бокс боюнча Азия чемпионаты өткөн. Кыргызстандын атынан мелдешке алты спортчу катышып, медаль алган эмес. Турнирде орун алгандарга Токиодо боло турчу Олимпиада оюндарына лицензия берилмек.

Башкы машыктыруучу спортчулардын байгесиз кайтышына түшүндүрмө берген.

"Боксчулар мелдешке толук даярдык көрүшкөн. Олимпиадага эки жолдомо алуу пландалган. Азат Усеналиевде лицензия алууга бардык мүмкүнчүлүктөр болгон, бирок акыркы кармашта упайлардын эсеби боюнча жеңилип калды", — деген Жусубалиев.

Өз кезегинде Канат Аманкулов ушул сыяктуу квалификациялык мелдештерге көңүл буруу керектигин айтып, федерацияны сындаган.

"Бул КРдин Бокс федерациясынын жетекчилиги кетирген кемчилик. Уюм жетишерлик иш алып барбагандыгы үчүн атамекендик бокс эл аралык аренада тийиштүү статуска ээ эмес", — деген Аманкулов.

Ошондой эле ведомствонун директору машыктыруучуга курама команданын "лидерлери" Азат Усеналиев менен Эркин Адылбек уулунун даярдыгына басым жасоого тапшырма берген. Зарылчылык болсо команданын курамын кайрадан карап чыгуу керектигин да кошумчалаган.

Бокс боюнча кийинки лицензиялык турнир Францияда боло турганы айтылды.

Жаңылыктар түрмөгү
0