18:52 06 Бештин айы 2019
Түз эфир
  • USD69.8490
  • EUR77.5883
  • RUB1.0962
Антидопинг лабораториясы. Архивдик сүрөт

Допинг менен күрөшүүдө Түркия Кыргызстанга жардам бермей болду

© Sputnik / Григорий Сысоев
Спорт
Кыскача шилтеме алуу
60 0 0

Жакында Түрк кеңешине мүчө өлкөлөрдүн спорт жана жаштар министрлеринин жыйыны өтүп, ага беш мамлекет катышкан.

БИШКЕК, 2-дек. — Sputnik. Түркия допинг колдонууга каршы туруу үчүн лабораториялык изилдөө жаатында өз тажрыйбасын колдонууну сунуштады. Бул туурасында Жаштар иши, дене тарбия жана спорт агенттиги билдирди.

29-ноябрда Бишкекте Түрк кеңешине мүчө өлкөлөрдүн спорт жана жаштар министрлеринин жыйыны өткөн. Ага Азербайжан, Венгрия, Казакстан, Кыргызстан жана Түркиянын өкүлдөрү катышканы айтылат.

Кыргызстандын спорт агенттигинин директору Канат Аманкулов 2020-жылы Ош шаарында түрк тилдүү өлкөлөрдүн жаш лидерлеринин форумун өткөрүү чечими кабыл алынганын билдирди.

"Допингге каршы туруу маселеси да талкууланды. Түркия тарап чоң спорттогу көйгөйлөрдү эске алып, Анкарадагы допингди аныктоо боюнча лабораториянын иши менен таанышып, өз тажрыйбасын колдонууну сунуштады. Натыйжада Спорт агенттигинин өкүлдөрү жакында Анкарага барып тажрыйба топтоп келмей болду", — деди Аманкулов.

Ал эми Азербайжандын спорт жана жаштар министри Азад Рагимов менен жаштар саясаты жана спорт тармагы боюнча документтерге кол коюлган.

"Биз кыргыз спортчуларын тренинг жана окуу-машыгууларды өткөрүүгө чакырабыз. Спорттук медицина жаатында тажрыйба алмашып, Кыргызстанда жана Азербайжанда өтө турган ар кандай эл аралык мелдештерге катышабыз", — деди Рагимов.

Ошондой эл ал Азербайжанда спорт тармагындагы 45 олимпиада комплекси иштеп жатканын кошумчалады.

Тема боюнча

Алдыңкы спортчулар айына 1000 доллардан алабы? Өкмөттүн жаңы токтому
Дүйнө лидерлери спорттун кайсы түрү менен машыгат? Путинден Трампка чейин
Кыргызстандык беш спортчу допинг менен кармалып, мелдештерден четтетилген
Белгилер:
күрөш, допинг, жаштар, Спорт, Азербайжан

ЭҢ МААНИЛҮҮ