Эки команда Бишкектеги Дөлөн Өмүрзаков атындагы стадиондо ойнойт.
Буга чейин командалар 13 жолу кездешкен.
Тажик футболчуларынын башкы машыктыруучусу Усмон Тошевдин Кыргызстандын футбол боюнча курама командасынын жылдан жылга чеберчилиги артып бара жатканын айткан.
Тажикстандын командасында оюнчулар алмашты.
Виталий Люкс атаандаштарынын үшүн алып койду көрүнөт.
Кыргызстандын командасы эсепти теңеди. Тамирлан Козубаевдин тепкен тобу атаандашынын дарбазасына кирди. Оюн эсеби 1:1.
Кыргызстандык оюнчулардын бурчтан чыгарган тобу эсепти теңеп коё жаздады. Тамирлан Козубаев дарбаза жакка келген топту тебүүгө жетишпей калды.
Экинчи таймдын аякташына 12 мүнөт калды.
Кыргызстандын оюнчуларында алмашуу болду. 22-номердеги Алимардон Шукуровдун ордуна 12-номердеги Одилжон Абдурахманов.
Кыргызстандык оюнчулар атаандашынын дарбазасынын жанында кооптуу учурларды жаратууда. КРдин курамасы батыл чабуул жасап жатат, бирок азырынча эсеп теңделе элек. Тажик оюнчулары 0:1 эсебинде алдыда.
Оюн талаасына Виктор Майердин ордуна Виталий Люкс чыкты.
Тажик футболчусуна оюн талаасында медициналык жардам көрсөтүлүүдө.
Тажик дарбазачысы тебилген топту тосуп кетти.
Кооптуу абал жаралды. Кыргызстандык футболчулар бурчтан чыккан топту атаандашынын дарбазасына туштап тээп, бирок топ дарбазанын өйдө жагына кетти.
Күйөрмандар оюнчуларга өз баасын берүүдө.
Кыргызстандын футболчулары дароо чабуулга өттү. Бекжан Сагынбаевдин тепкен тобу эсепти теңей алган жок.
Күйөрмандар футболду коомдук жайлардан дагы көрүп жатат.
Биринчи тайм аяктап, оюнчуларга 15 мүнөт тыныгуу берилди. Эскерте кетсек, биринчи таймдын жыйынтыгы менен 0:1 эсебинде тажик оюнчулары алдыда баратат.
Кыргызстандык оюнчулар атаандашынын дарбазасы жакка ойноого аракет кылып жатат.
Оюнга көз салган калыс Алимардон Шукуровго сары айып кагазы берилди.
Биринчи таймдын аяктарына беш мүнөт калды.
Тажикстандын дарбазачысы тебилген топту тосуп кетти.
Кыргызстандын оюнчулары батыл чабуулга өттү.
Валерий Кичиндин тепкен тобу эсепти теңеп коё жаздады.
Кыргызстандык оюнчулар атаандашынын дарбазасына кооптуу учурларды жаратты. Бирок футболчулардын аракетинен майнап чыккан жок.
Күйөрмандар "Кыргызстан" деп кыйкырып жатат.
Бирок дарбазага жакындаганда атаандаштар топту футбол талаасынан чыгара тепти.
Валерий Кичин айып топту каршылашынын дарбазасына туштап тепти, бирок дарбазачы топту тосуп кетти.
Гүлжигит Алыкулов атаандашынын дарбазасына болгон каршы чабуулу учурунда тажик оюнчусу чалып жиберип, айып топ дайындалды.
25-мүнөттө эреже бузуу болду. Тажик оюнчусу оюн талаасында Алимардон Шукуров менен жөөлөшө кетти. Бирок кайта көрсөтүүдөн байкалгандай тажик оюнчусуна тийген деле эмес.
Гүлжигит Алыкуловдун атаандашынын дарбазасына тепкен тобу аз жерден кирип кете жаздады.
Кыргызстандын оюнчулары чабуулга өттү. Бурчтан эки жолу тебүүгө мүмкүнчүлүк алды. Бирок андан майнап чыккан жок.
Тажик оюнчулары Кыргызстандын курамасына 17 мүнөттө алгачкы голун киргизди.
Оюн көргөнү келген күйөрмандар.
Тажик оюнчусу эреже бузду.
Тажикстандын оюнчулары чабуулга өтүп жатат. Бирок азырынча жыйынтык боло элек.
Валерий Кичин тажик оюнчуларынын Кыргызстандын дарбазасы жакка келген тобун тосуп калды.
Тажикстандын оюнчулары чабуулга өтүүгө аракет кылышты. Бирок топту атаандаштарына алдырып жиберди.
Кыргызстандык оюнчулар атаандаштарына батыл чабуул жасап жатат. Оюн талаасында атамекендик команда үстөмдүгүн көрсөтүп жатат.
Алимардон Шукуров бурчтан берилген топту атаандашынын дарбазасына туштап тепти. Бирок топ асманга кетти.
Кооптуу учур болду. Кыргызстандык оюнчулар топту бурчтан чыгаруу укугун алышты.
Кыргызстандын курамасынын баштапкы курамы мына ушундай.
Белгилей кетсек, бүгүнкү беттеште Кыргызстандын курамасы кызыл форма, тажик оюнчулары ак түстөгү форма кийишкен.
Стадионго агылып келген элдин аягы тыйыла элек.
Стадиондо Тажикстан менен Кыргызстандын гимндери жаңырууда.
Кыргызстан менен Тажикстандын курама командаларынын оюнчулары оюн талаасына чыкты. Эки мамлекеттин желектерин да көтөрүп чыгышты.
Ал ортодо Кыргызстандын курамасын колдоо үчүн келген күйөрмандар стадионго кирип жатат.
Кыргызстандын курама командасы оюн талаасына чыгып оюн алдындагы машыгууларын өткөрүүдө.
Кыргызстандын курама командасынын башкы машыктыруучусу Александр Крестинин бүгүн футболчулар таптакыр башка оюн көрсөтө турганын айтты. Сиздин оюңуз кандай?
Тажик футболчуларынын башкы машыктыруучусу Усмон Тошев Кыргызстандын курама командасы боюнча өз пикирин билдирген.
Футбол учурунда Бишкектин бир канча көчөсү жабылат. Айдоочулар эсиңирге алгыла.
Ал ортодо Мьянма менен Монголия бүгүн Мандалай шаарында беттешип, мьянмалыктар каршылашын 1:0 эсебинде утуп алган. Мелдеш Mandalar Thiri Stadium стадионунда өткөн.
Урматтуу окурмандар, Кыргызстан менен Тажикстандын курамаларынын 2022-жылы боло турчу Дүйнө чемпионатынын тандоо турунун алкагында мелдешинин тексттик трансляциясын баштайбыз.
Баарыңыздар кош келиңиздер! Командага ийгилик каалайбыз.
