Японияны ута алабызбы? Футбол федерациясынын башчысынын пикири

Жазылуу
Эки өлкөнүн курама командалары бүгүн, 14-ноябрь күнү, саат 17:15те Дөлөн Өмүрзаков атындагы стадиондо мелдешет. Оюндун билеттери толугу менен сатылып бүткөн. Буга байланыштуу эски аянтта күйөрмандар үчүн атайын зона уюштурулат.

БИШКЕК, 14-ноя. — Sputnik. Кыргызстандын футбол боюнча улуттук курама командасы япониялык каршылаштарын утуп алууга мүмкүнчүлүгү бар. Бул туурасында КРдин Футбол федерациясынын президенти Канат Маматов аталган федерациянын расмий сайтына берген маегинде билдирген. 

Анын айтымында, улуттук курама команданын 2020-жылдагы дүйнө чемпионатынын тандоо туруна даярдыгы мыкты.

"Япония дүйнө чемпионаттарында, Азия кубогунда мелдешип келет. Тажрыйбалары чоң, футболчулары дүйнөнүн күчтүү клубдарында ойношот. Алардын улуттук курамында жана клубдарында ойногон шарттары биздикинен кыйла айырмаланат. Мунун баары аларга чеберчилик, күч жана өзүнө болгон ишенимди арттырат. Бирок биздин команданын деми күч, даярдыгы мыкты. Колдоп-коштогон күйөрмандары турат. Андыктан утуп алууга мүмкүнчүлүгүбүз бар. Бул үчүн бардык аракетибизди жумшайбыз", — деген Маматов.

Милиция кызматкери. Архив - Sputnik Кыргызстан
Кыргызстан менен Япониянын беттеши учурунда көчөлөр жабылат. Тизме
Ал ошондой эле курама команданын башкы максаты мыктылардын ТОП-12 тайпасынын катарына кирүү экендигин кошумчалган.

Эки өлкөнүн командалары бүгүн, 14-ноябрь күнү, саат 17:15те Дөлөн Өмүрзаков атындагы стадиондо мелдешет. Оюндун билеттери толугу менен сатылып бүткөн. Буга байланыштуу беттешке кире албай калгандар үчүн эски аянтта күйөрмандар зонасы пайда болору айтылган. 

Кыргызстан менен Япониянын футбол боюнча курама командаларынын оюну 2022-жылы өтө турган дүйнө чемпионатынын тандоо турунун алкагында болуп жатат. Эки команда тең F тайпасында. Учурда Япония группанын лидери болсо, Кыргызстан менен Тажикстан экинчи орунда келе жатат.

Виджет news
Жаңылыктар түрмөгү
0