16:05 20 Тогуздун айы 2019
Түз эфир
  • USD69.8031
  • EUR77.6699
  • RUB1.0915
Футбольный матч Кыргызстан — Мьянма в рамках отборочного раунда ЧМ-2022

КР футболчулары эми ким менен качан ойнойт

© Sputnik / Табылды Кадырбеков
Спорт
Кыскача шилтеме алуу
858 0 0

Кыргызстандын командасы атаандашынын талаасында күчүн сынайт. Ал эми бир айдан кийин боло турган оюн кайра Бишкекте өтөт.

БИШКЕК, 11-окт. — Sputnik. Кыргызстандын футбол боюнча курама командасынын кийинки атаандашы — Монголия.

2022-жылы өтчү дүйнө чемпионаты менен 2023-жылы боло турган Азия кубогунун тандоо турунун тайпалык этабынын үчүнчү оюну 15-октябрь күнү Улан-Батор шаарында болмокчу. Баса, монголиялыктар япондук атаандаштарына 6:0 эсеби менен утулуп калган. Ал эми 10-октябрь күнү КР футболчулары Мьянманын командасын 7:0 менен жеңип алды.

Эки оюндун жыйынтыгы менен Кыргызстан үч упайга ээ болуп, тайпадагы үчүнчү сапты ээледи. Биринчи орунда Япония (6 упай), экинчиде Тажикстан (6 упай, бирок киргизилген топторунун санында айырма бар) турат. Төртүнчү сапты үч упай алган Монголия ээлесе, азырынча куржунунда бир да упай жок Мьянма тизмени жыйынтыктады.

Үчүнчү турда япониялыктар тажикстандык атаандаштары менен кез келет. Ал эми кыргызстандыктар монголиялыктарды утуп алган учурда улуттук команда экинчи сапка көтөрүлөт.

Монголиядан келгенден кийин КР футболчулары Япония командасын кабыл алат. Азиянын күчтүү командаларынын бири менен жергиликтүү спортчулар Дөлөн Өмүрзаков атындагы стадиондо беттешет.

Кыргызстан — Мьянма оюнунун кызыктуу ирмемдерин атайын сиздер үчүн тартып алганбыз.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.

Тема боюнча

Кыргызстандын футболчулары Мьянманы баш көтөртпөй жеңгенде... Мелдештин ирмемдери
Белгилер:
беттешүү, Тажикстан, Япония, Мьянма, Монголия, Кыргызстан, футбол

ЭҢ МААНИЛҮҮ