09:07 20 Жетинин айы 2019
Түз эфир
  • USD69.8500
  • EUR77.3240
  • RUB1.0953
Директор Государственного агентства по делам молодежи, физической культуры и спорта при Правительстве Кыргызской Республики Канат Аманкулов встретился с чемпионкой Мира по женской борьбе Айсулуу Тыныбековой, с победителем чемпионата Мира по грэпплингу Абдурахманом Муртазалиевым и с бронзовым призером чемпионата Мира по дзюдо среди кадетов Чынгызханом Сагыналиевым. 2 октября 2019 года

Спорт агенттигинин жетекчиси Тыныбекова менен Муртазалиевди кабыл алды. Сүрөт

© пресс-служба ГАМФКиС
Спорт
Кыскача шилтеме алуу
252 0 0

Спорт агенттигинин жетекчиси Канат Аманкулов дүйнө чемпиону болгон Айсулуу Тыныбекова менен Абдурахман Муртазалиевден сырткары кадеттер арасындагы дзюдо боюнча дүйнө биринчилигинде үчүнчү орунду алган Чыңгызхан Сагыналиевди кабыл алган.

БИШКЕК, 2-окт. — Sputnik. Бүгүн, 2-октябрда, Жаштар иши, дене тарбия жана спорт агенттигинин жетекчиси Канат Аманкулов дүйнө чемпионаттарынан байге алган спортчулар менен жолугушту. Бул тууралуу аталган агенттиктин маалымат кызматынан кабарлашты.

Ага ылайык, Спорт агенттигинин директору күрөш боюнча дүйнө чемпиону Айсулуу Тыныбекова менен анын машыктыруучусу Нурбек Изабековду, грэпплинг боюнча дүйнө чемпиону Абдурахман Муртазалиев жана кадеттер арасында дзюдо боюнча дүйнө биринчилигинде үчүнчү орунду алган Чыңгызхан Сагыналиевди кабыл алды.

Канат Аманкулов спортчулардын жана машыктыруучунун эмгегине ыраазычылык билдирип, ар биринин жеңишине токтолгон.

"Айсулуу, сиз тарыхтын жаңы барагын ачтыңыз, ысымыңыз алтын тамгалар менен жазылып калат. Алдыда оор жана жоопкерчиликтүү мелдеш (Олимпиада) күтүп турат. Спортчу гана эмес, инсан катары дагы өсүп жатасыз. Абдурахман, сиздин жеңишиңиз грэпплинг спортунун "алтын кылымынын" башталышы болуп саналат. Бул ийгилигиңиздин башталышы гана болсун. Чыңгызхан, жеңиш кут болсун. Алдыга мындан дагы бийик максаттарды коюп, жеңиш үчүн машыгууларга гана эмес, интеллектке дагы басым жасаңыз", — деген Аманкулов.

Соңунда ал спортчуларга жана машыктыруучуга белектерди тапшырган.

Айсулуу Тыныбекова 20-сентябрда Нур-Султан шаарындагы күрөш түрлөрү боюнча дүйнө чемпионатында алтын байге уткан. Ал эми Абдурахман Муртазалиев 23-сентябрь күнү ошол эле шаардагы грэпплинг боюнча дүйнө чемпионатында биринчи орунга ээ болгон. Жаш дзюдочу Чыңгызхан Сагыналиев 26-сентябрда Алматыдагы дүйнө биринчилигинде коло байгени багындырган.

Тема боюнча

Изабеков: Айсулуу Рио Олимпиадасынан кийин турмушка чыгам дегенде болбой койгонбуз
Тыныбекова UWW рейтингинин сап башына чыкты. Эми айына 75 миң сомдон стипендия алат
Президент Жээнбеков Айсулуу Тыныбекованын ата-энесин да сыйлады. Сүрөттөр
Белгилер:
жеңиш, жолугушуу, дзюдо, Грэпплинг, күрөш, Спорт, Муртазали Муртазалиев, Айсулуу Тыныбекова, Канат Аманкулов, Кыргызстан

ЭҢ МААНИЛҮҮ