11:45 18 Жетинин айы 2019
Түз эфир
  • USD69.8500
  • EUR76.9922
  • RUB1.0933
Кыргызстандык белгилүү балбан Айсулуу Тыныбекова. Архивдик сүрөт

Айсулуу Тыныбекова Польшадагы эл аралык турнирде күчүн сынайт

© Sputnik / Гульдана Талантбекова
Спорт
Кыскача шилтеме алуу
94 0 0

Турнир 2-4-август күндөрү Варшава шаарында өтөт.

БИШКЕК, 2-авг. — Sputnik. Кыргызстандык белгилүү балбан Айсулуу Тыныбекова XXIII эл аралык Poland Open турнирине катышат. Бул туурасында Жаштар иши, дене тарбия жана спорт агенттигинен кабарлашты.

Ага ылайык, турнир 2-4-август күндөрү Варшава (Польша) шаарында өтөт. Мелдеште өлкө атынан 62 килограмм салмакта Айсулуу Тыныбекова катышмакчы. Спортчуну машыктыруучусу Нурбек Изабеков коштоп барат.

Командага Спорт агенттигинин олимпиадалык спорт боюнча дирекциясы тарабынан 212 миң сом каралган.

Айсулуу Тыныбекова Кыргызстандагы балбан кыздардын сап башында турат. Чоңдор арасында Азиянын үч жолку чемпиону. 2016-жылы Рио-де-Жанейродо өткөн Олимпиадада бешинчи орунду алган. Ошондой эле Азия оюндары жана Ислам тилектештиги оюндарында чемпиондукту багындырган. 2017-жылы Дүйнө чемпионатынан коло алган. КРдин эмгек сиңирген спортчусу, эл аралык класстагы спорт чебери. Даңк медалынын ээси.

Тема боюнча

Айсулуу Тыныбекова: өмүрүмдү 2020-жылга чейин спортко арнадым
Айсулуу Тыныбекова алтын утуп, үчүнчү ирет Азия чемпиону болду
Айсулуу Тыныбекова килемде чимирилгенде... Балбандын машыккан видеосу
Белгилер:
Польша, Айсулуу Тыныбекова, балбан, турнир

ЭҢ МААНИЛҮҮ