05:25 13 Теке 2020
Түз эфир
  • USD77.8000
  • EUR87.8362
  • RUB1.0922
Спорт
Кыскача шилтеме алуу
206 0 0

Маданият өкүлдөрү мелдешке гана катышпастан, көрүүчүлөр алдында өнөрлөрүн да тартуулашмакчы.

БИШКЕК, 10-июн. — Sputnik. Кыргызстандын кино жана эстрада артисттери "Арт-футбол" футбол-музыкалык фестивалына катышат. Бул тууралуу Кыргызстандын Россиядагы элчилигинин маалымат кызматы кабарлады.

Өнөр адамдарынын футбол боюнча дүйнөлүк чемпионаты 8-июнда Москва шаарындагы "Локомотив" стадионунда башталган. Ага 16 өлкөнүн артисттеринен турган команда катышууда.

Биринчи турда Кыргызстандын курама командасы Словения менен тең (1:1) болуп калган. 10-июнда боло турчу экинчи турда кыргызстандыктар сербиялыктар менен беттешмекчи.

Иш-чаранын алкагында 8-июндан 16-июнга чейин 16 өлкөнүн командалары күн сайын улуттук гала-концертин тартуулашат. Алар менен кошо атайын коноктор — Россия жана чет өлкөлүк ырчылар да өнөрлөрүн тартуулашмакчы. 

Кыргызстандан барган команда 15-июнь күнү Горький атындагы паркта концерт беришет. Бул — ар жылы салт катары өткөрүлүп келе жаткан иш-чара.

Тема боюнча

Футбол талаасына жарым жалаңач чуркап чыккан моделге 15 миң евро айып салынды
Кыргызстан менен Палестинанын оюну. Футбол күйөрмандарын өзгөчө программа күтөт
Белгилер:
концерт, маданият, өнөр, футбол

ЭҢ МААНИЛҮҮ