БИШКЕК, 3-июн. — Sputnik. Кыргызстанда кол күрөш боюнча Азия чемпионаты өтөрүн Жаштар иши, дене тарбия жана спорт боюнча мамлекеттик агенттиктен кабарлашты.
Турнирге Азиянын он өлкөсүнөн 554 спортчу катышары маалымдалды.
Иш-чара 9-12-июнь күндөрү Чолпон-Ата шаарындагы "Газпром балдарга" деп аталган дене тарбия жана ден соолукту чыңдоочу комплексте өтөт.
Кыргызстандык 184 спортчу ар кыл салмак категориясында ат салышат. Алардын ичинен 57си ден соолугу жагынан мүмкүнчүлүгү чектелген катышуучулар.
Эске салсак, Азиянын армрестлинг боюнча чемпионаты Кыргызстанда 2007-жылы, андан соң 10 жылдан кийин өткөн.
