Грек-рим күрөшү боюнча чоңдор арасында Азия чемпиону болгон Үзүр Жусупбековдун жеңиштен кийинки ирмемин Бириккен күрөш уюму (UWW) тартып алган.
Спортчу кечээ Кытайдын Сиань шаарында өткөн Азия биринчилигинин финалында өзбекстандык Жахонгир Турдиевди 3:2 упай эсебинде утуп, жеңүүчү аталган. Чейрек финалда казак балбаны Алимхан Сыздыковду 6:1 эсебинде жеңсе, жарым финалда ирандык спортчу Махди Аббас Алиярфейзабаны 7:5 упай эсеби менен жер караткан.
Балбан килемде 97 килограмм салмакта күч сынашып келет.
