БИШКЕК, 22-апр. — Sputnik. Кыргызстандык сууда сүзүүчүлөр Белоруссиядагы ачык чемпионатта сегиз медаль тагынды. Бул тууралуу аталган спорттун түрү боюнча федерациядан билдиришти.
20 Чын Куран 2019, 22:30
Маалыматка ылайык, эл аралык мелдеш 16-апрелде башталган. Анда Денис Петрашов эки күмүш, бир коло, Кирилл Вайс эки коло, бир күмүш жана Елизавета Рогожникова бир алтын, бир коло медалга ээ болду.
Японияда 2020-жылы өтө турчу Олимпиадалык оюндарга жолдомо берүүчү мелдешке Россия, Кыргызстан, Азербайжан, Латвия жана Молдовадан чогулган 300гө жакын спортчу катышкан.
