05:23 15 Бештин айы 2019
Түз эфир
  • USD69.8482
  • EUR78.0693
  • RUB1.1166
Кыргызский боец Рафаэль Физиев во время интервью в Санкт-Петербурге.

Шевченко менен Физиевдин UFC уюмундагы беттеши. Тексттик трансляция аяктады

© Sputnik / Александр Гальперин
Спорт
Кыскача шилтеме алуу
721 0 0

Кыргызстандык мушкерлер алгачкы ирет Санкт-Петербург шаарында өтүп жаткан UFC Fight Night 149 турниринин алкагында беттешет.

Анда Антонина Шевченко 57 килограмм салмакта америкалык Роксанн Модаффери менен мелдеш өткөрөт. Шевченко тай боксу боюнча дүйнөнүн бир нече жолку чемпиону, спорттун ММА түрүндө жети ирет жеңүүчү аталган. Былтыр UFC уюму менен келишим түзгөн. Каршылашы Модаффери 22 мелдешти утуп, 15 ирет жеңилген.

Ал эми дагы бир кыргызстандык мушкер Рафаэль Физиев UFC уюмунда тушоосун кесип, 70 килограмм салмакта дагестандык Магомед Мустафаев менен беттешмекчи. Физиев дагы тай боксу боюнча эл аралык турнирлердин жеңүүчүсү, ММА боюнча алты беттешти уткан.  Атаандашы Мустафаев 13 ирет утуп, эки гана жолу жеңилүү ызасын тарткан.

Жаңы билдирүү
  • 00:14

    Калыстадын чечими менен америкалык Роксанн Модаффери жеңүүчү деп табылды

  • 00:14

    Беттеш аяктады

  • 00:14

    Шевченко бутуна туруп кетти

  • 00:13

    Модаффери Шевченконун үстүнө чыгып алды

  • 00:13

    Кайрадан партерге абалына туш келип калды

  • 00:13

    Антонина күүлүү-күчтүүлүгүн көрсөтүп, буту менен соккуларды узатуудаю

  • 00:01

    Антонина жерде, атаандашы үстүнө чыкты.

  • 00:00

    Модаферри кайрадан торго такап, партерге басым жасып жатат. Ал ортодо Валентина кандай аракеттерди көрүү керектигин айтууда.

  • 00:00

    Шевченко каршылашына бир нече сокку узатууга жетишти.

  • 23:59

    Экинчи раунд

  • 23:58

    Биринчи раунд аяктады

    Азырынча Шевченко тараптан анчейин аракеттер жок.

  • 23:57

    Ары жактан бир тууганын сүрөп, колдоп жаткан Валентина Шевченконун үнүн угууга болот.

  • 23:56

    Атаандашы Шевченкону торго такап алды. Партерге жыкты.

  • 23:55

    Шевченконун атаандашы күрөштөн жакшы, ошондуктан Антонина дистанцияны кармап беттешүүдө.

  • 23:54

    Мушкерлер бири-бирине бут-кол менен сокку узатып жатышат. Азырынча беттеш активдүү эмес.

  • 23:51

    Беттешке старт берилди! Антонинага ийгилик каалайбыз!

  • 23:50

    Сегиз бурчтукка атаандашы дагы келди.

  • 23:50

    Шевченко октагонго кызыл спорттук кийим менен чыкты. Чачын кадимкидей беш көкүл өрүп, байлап алган.

  • 23:48

    Антонина Шевченко чыкты!

    Көптөн күткөн беттеш! Кыргызстандык мушкер октагонго бир тууган эжеси Валентина Шевченко, машыктыруучусу Павел Федотов менен келди. Ал америкалык Роксанн Модаффери менен беттешет.

     

  • 23:36

    Йотко Амедовскини калыстардын чечими менен жеңип, кубанычы койнуна батпай укмуштуудай брейк дансты тартуулап жиберди.

  • 23:17

    Мустафаев: Физиевдин келечеги алдыда

    Ал ортодо Рафаэль Физиевди уткан Магомед Мустафаев журналисттерге маек берип, үч раунддук беттешке даярданганын жана атаандашынын сокку узатуунун чебери экендигин эске алгандыгын айтып берген. Ошондой эле Физиевдин келечеги алдыда экендигин белгилеген.

  • 23:12

    Жетинчи беттеш! Польшалык Криштоф Йотко менен македониялык Ален Амедовски 77 килограмм салмак категориясында мелдешет. Ушундай кийин кыргызстандыктар күткөн Антонина Шевченконун кармашы башталат.

  • 23:00

    Евлоев атаандашын утуп алды. Мушкерлер беттешти үч раундда аякташты.

  • 22:40

    Алтынчы беттеш

    Алтынчы болуп ингушетиялык Мовсар Евлоев менен түштүккореялык Сунг Ву Чой беттешүүдө. Бул 25 жаштагы Евлоевдин дебюту. Атаандашы болсо 26 жашта.

  • 22:35

    Узак кармашуудан кийин жеңиш россиялык Султан Алиевге ыйгарылды. Ал Кейт Намакура менен раунддар бүткүчө партерде мелдешип, калыстардын чечими менен гана ута алды.

  • 21:53

    Бешинчи кармаш. Россиялык Султан Алиев менен япониялык Кеит Накамура 77 килограмм салмакта беттешмей болду. Көрөрмандарды алдыда дагы алты мелдеш күтүп турат, кеченин башкы кармашында россиялык Алексей Олейник менен нидерланддык Алистар Оверим жолугат.

  • 21:48

    Ал ортодо машыктыруучу Павел Федотов Антонина Шевченконун колуна бинт ороп, беттешке даярдап жатат.

  • 21:46

    Ошентип отуруп 35 жаштагы Александр Яковлев 23 жаштагы Алекс да Силваны экинчи раундда муунтуу ыкмасын колдонуп утуп алды.

  • 21:46

    Бирок ковлев тез эле өзүн колго алып, чабуулга өтүп кетти.

  • 21:40

    Алекс да Силва үстөмдүк кылып жаткандай.

  • 21:27

    Турнирдин төртүнчү беттеши башталды

    Сегиз бурчтукка россиялык Александр Яковлев менен бразилиялык Алекс да Силва чакырылды, мушкерлер 70 килограмм салмакта күч сынашат.

    Эскерте кетсек, дагы үч беттештен кийин кыргызстандык мушкер Антонина Шевченко октагонго чыгат.

  • 21:22

    Россиялык Шамиль Абдурахимов польшалык Марчин Тыбураны техникалык нокаут менен утуп алды.

  • 21:16

    Польшалык Марчин Тыбура 33 жашта, ММА боюнча 17 беттешти утуп, төрт ирет жеңилген. Ал эми россиялык каршылашы Шамиль Абдурахимов 37 жашта, аралаш мушташ боюнча 19 турнирди жеңип, төрт ирет утулган.

  • 21:09

    Октагонго оор салмактагы мушкерлер чыкты. Алар польшалык Марчин Тыбура менен россиялык Шамиль Абдурахимов.

  • 20:59
     Кыргызский боец Рафаэль Физиев во время интервью в Санкт-Петербурге.

    Рафаэль Физиев: милиционер болуп иштебей калганыма кээде өкүнөм

    Бүгүн бир нече сааттардан кийин Санкт-Петербург шаарында боло турган UFC Fight Night 149 турниринде Рафаэль Физиев рингге Кыргызстан жана Азербайжандын желеги менен чыгат.
    Дагы
  • 20:57

    Рафаэль Физиев ММА боюнча карьерасында алгачкы жолу жеңилүү ызасын тартты. Ушу тапта аны күйөрмандары оор учурда колдоп, күчтүү болууга чакырышууда.

  • 20:53

    Россиялык Гаджимурад Антигулов менен польшалык Михал Олексейчуктун да кармашы чагылгандай тез бүттү. Олексейчук техникалык нокаут менен жеңишин майрамдады.

  • 20:52

    UFC турнирин атактуу ринг-анонсер Брюс Баффер алып барууда. Ал "It's Time" деп кубаттуу үнү менен жаңыртып сүйлөгөнү менен белгилүү.

  • 20:43

    Ал арада Физиевдин сокку жеген учуру тартылган видео да тарады.

  • 20:27

    Физиев менен Мустафаевдин беттеши 1 мүнөт 26 секундада аяктады.

    Кандай болгон күндө да Рафаэль биз үчүн мыкты бойдон кала берет!

  • 20:23

    Физиев утулуп калды

    Мустафаев Физиевди чимирилип тээп жерге кулатып, андан кийин бир нече ирет сокку узатты. Рефери техникалык нокаут деп беттешти токтотту. Ка-ап...

  • 20:23

    Атаандашы Физиевди чимирилип бир тепти.

  • 20:22

    Биринчи раунд башталды

    Таймаш башталды. Октагонго кара спорттук кыска шым кийип чыкты, атаандашы кызыл кийим кийди.

  • 20:22

    Рафаэль Физиев Мирбек Атабековдун "Мурас" ырынын коштоосунда Кыргызстандын желегин жамынып чыкты.

Тема боюнча

Антонина "Пантера" Шевченко: Лас-Вегастан Ысык-Көл таап алганбыз...
Рафаэль Физиев: милиционер болуп иштебей калганыма кээде өкүнөм
Белгилер:
трансляция, беттешүү, Антонина Шевченко, Рафаэль Физиев, UFC

ЭҢ МААНИЛҮҮ