Кыргызстандын Азия кубогундагы ийгиликтүү кадамы. FIFA жыйынтык чыгарды

© Фото / пресс-служба ФФКРКыргызстандын футбол курама командасынын оюнчулары. Архив
Кыргызстандын футбол курама командасынын оюнчулары. Архив - Sputnik Кыргызстан
Жазылуу
Атамекендик команда континент биринчилигинде дебютанттардын бири болду.

БИШКЕК, 5-фев. — Sputnik. FIFA уюмунун турнирдин жыйынтыгы боюнча макаласында Кыргызстандын курама командасынын Азия кубогундагы дебюту мыкты болгону жазылган.

Кыргызстандын футбол боюнча курама командасынын чабуулчусу Мирлан Мурзаев. Архив - Sputnik Кыргызстан
Мирлан Мурзаевдин Азия кубогундагы голу мыктылардын катарына кирди
Материалда биринчи ирет чемпион болгон Катардын курама командасынын ийгилиги туурасында да айтылат. Алардын ийгиликке умтулган жолунда Россиядагы дүйнө чемпионатына барган беш катышуучуну жеңип алгандыгы жазылган.

Командалардын 16дан 24кө чейинкиси өтө ашыкча эле созулган процесс эмес, ал эми Вьетнам, Оман же дебютант болгон кыргызстандыктар үчүн бул өзгөчө бурулуш учур катары эстелип калмакчы деп белгиленген.

Материалда андан ары ар бир 24 команда, анын ичинен кыргызстандыктар туурасында да айтылат.

"Кыргыз Республикасы континенттик деңгээлде сонун дебютер болду. Алар Кытайга 2:1 менен жеңилип баштаган. Бирок Виталий Люкс Филиппиндер менен беттеште хет-трик жасады (3:1). Андан соң борборазиялыктар Бириккен Араб Эмирлигинин курама командасына жакшы беттеш көрсөттү", — деп белгилеген FIFA.

Ал эми спорт боюнча ири телеканал FOX Sports Asia Кыргызстандын курама командасынын чабуулчусу Виталий Люкстун голун Азия кубогунун мыкты ондугуна киргизди.

Жаңылыктар түрмөгү
0