06:41 19 Жалган Куран 2019
Түз эфир
  • USD69.8048
  • EUR79.1935
  • RUB1.0794
КР футбол боюнча курама командасынын башкы машыктыруучусу Александр Крестинин

Күнөөнү бир оюнчудан издебегиле! Крестинин Кыргызстан — Кытай оюну тууралуу

© AFP 2019 / KARIM SAHIB
Спорт
Кыскача шилтеме алуу
Кыргызстандын Азия кубогуна катышуусу (80)
234 0 0

Социалдык тармактын колдонуучулары дарбазачынын кетирген катасын катуу сынга алууда.

БИШКЕК, 8-янв. — Sputnik. Команданын утулуп калышын бир оюнчудан көрбөш керек. Мындай пикирин КР футбол боюнча курама командасынын башкы машыктыруучусу Александр Крестинин оюн тууралуу пикирин айтып жатып билдирди.

Азия кубогу ушул тапта Бириккен Араб Эмирлигинде өтүп жатат. Кыргызстан биринчи оюнду Кытайдын командасы менен өткөрүп 1:2 эсебинде утулуп калган.

Оюн учурунда дарбазачы Павел Матяш бурчка тебилген топту дарбазадан ары түртүп жиберем дегенде ал колуна илешип гол кирип кеткен. Анын бул аракети социалдык тармакта кызуу талкуу жаратып, колдонуучулардын басымдуу бөлүгү терс пикирин жазышты.

Крестинин атамекендик оюнчулар каршылаштарына караганда бир топ ката кетиргенин айтты.

"Биз күтүп жаткандай эле оюн эки команда үчүн тең оор болду. Биз көп ката кетирдик… Чабуулга чыккан учурду жакшы колдоно албай калдык, коргонуу учурунда да жаза бастык. Баарын бир гана оюнчудан көрбөй, жалпы команданын ойногонун караш керек. Атактуу футболчулар да ката кетиргенин унутпашыбыз зарыл. Бул оюндун башталышы гана, кармаштын баары алдыда", — деди башкы машыктыруучу.

Кыргызстандык оюнчулар эми С тайпасында Түштүк Корея жана Филиппин менен ойнойт.

Белгилей кетсек, Кыргызстандын футбол боюнча курама командасы Азия кубогунун финалдык бөлүгүнө биринчи жолу катышып жатат.

Тема:
Кыргызстандын Азия кубогуна катышуусу (80)

Тема боюнча

Азия кубогу: Кыргызстандын футбол командасы Кытайга утулуп калды
Белгилер:
гол, Футбол, Александр Крестинин

ЭҢ МААНИЛҮҮ