БИШКЕК, 6-дек. — Sputnik. Борбордо көркөм гимнастика боюнча өлкө чемпионаты өтө турганын Sputnik Кыргызстан маалымат агенттигине аталган федерациянын вице-президенти Назира Айдарова билдирди.
Мелдеш 8-9 декабрь күндөрү Кожомкул атындагы Спорт сарайдын машыгуу залында өтөт.
"15 жаштан өйдө курактагы гимнасттар спорт чебери программасында мелдешсе, 12-14 жаштагылар спорт чеберине талапкер бөлүгүндө күч сынашат. Ошондой эле 9-10догу кыздар да талантын тартуулайт", — деди Айдарова.
Ал кошумчалагандай, чемпионатты уткандар 2019-жылы өлкөнүн курама командасына кошулат.
