12:55 16 Тогуздун айы 2018
Түз эфир
  • USD69.1798
  • EUR80.0687
  • RUB1.0522
Жаштар олимпиадасындагы дзюдочулар. Архив

Кыргызстандык дзюдочу Жаштар олимпиадасында коло тагынды. Медаль эсепке кирбейт

© REUTERS / HANDOUT
Спорт
Кыскача шилтеме алуу
49610

Бүгүнкү таймаштарга сууда сүзүүчү Денис Петрашов, балбан Элмирбек Садыров, спортчулар Айдар Кенжебаев менен Екатерина Тарева чыгат.

БИШКЕК, 12-окт. — Sputnik. Кыргызстандык дзюдочу Султан Жеңишбеков Аргентинада өтүп жаткан Жаштар олимпиадасында коло медаль тагынып, бирок ал өлкөнүн байге куржунуна салынбай турган болду. Бул тууралуу спорттук оюндардын расмий сайтына жарыяланды.

Маалыматка ылайык, уюштуруучулар дзюдону жайылтуу максатында бардык катышуучуларды 13 командага бөлүп, аларды Олимпиада өткөн 13 шаардын аталышы менен атаган.

Жеңишбеков 4 кыз, 4 баладан турган "Рио-де-Жанейро" командасынын курамында болуп, Косово, Тажикстан, Түркмөнстан, Россия, Алжир, Словения, Бурундиден келген спортчулар менен өнөктөш болгон.

Биринчи беттеште "Рио-де-Жанейро" "Сидней" командасын 4:3 эсебинде утуп алган. Андан кийин "Атлантаны" да 5:4 эсеби менен утуп, бирок "Афины" командасына 3:5 эсебинде жеңилип калган. Жеңишбеков килемге үч жолу чыгып, үчөөндө тең атаандаштары күчтүүлүк кылып кетти. Бирок өнөктөштөрүнүн ийгилиги аны медалдуу кылды. Биринчи орунду "Пекин", экинчини "Афины" командалары ээлесе, үчүнчү сапты "Рио-де-Жанейро" менен "Лондон" командалары бөлүп алды.

Жеңишбековдун коло медалы байге эсебине кирбейт.

Эскерте кетсек, 6-октябрда башталган оюндар 18-октябрда жыйынтыкталат.

Тема боюнча

Аргентинадан алгачкы медалдар! Петрашов күмүш алды
Шевченко мурдагы атаандашы Енжейчик менен эле беттешмей болду
Белгилер:
дзюдо, медаль, Жаштар олимпиадасы, Аргентина
Колдонуу эрежелериПикирлер

ЭҢ МААНИЛҮҮ