БИШКЕК, 18-авг. — Sputnik. Россиялык мушкер Хабиб Нурмагомедов менен ирландиялык Конор Макгрегор беттеше турчу турнирдин билети үч мүнөттө сатылып кетти. Бул туурасында британиялык BT Sport телеканалы Twitter баракчасына жүктөгөн.
Three minutes was all it took… 😳 #UFC229 pic.twitter.com/iUdePPDZUa
— UFC on BT Sport (@btsportufc) August 17, 2018
UFC уюмунун учурдагы чемпиону менен эки салмак боюнча мурдагы чемпиондун беттеши UFC 229 турниринин башкы кармашы болмокчу. Мелдеш 6-октябрда Лас-Вегаста өтөт. Мында Нурмагомедов наамын коргойт.
Беттеш тууралуу августтун башында айтылган. Көрүүчүлөр эки спортчунун кармашын бир жарым жылдан бери күтүүдө.
Эске сала кетсек, Нурмагомедов быйыл апрелде UFC уюмунун чемпиону болгон. ММА боюнча профессионалдуу түрдө 26 беттеш өткөрүп бир да жолу жеңилүү ызасын тарткан эмес.
Ал эми Макгрегор UFCнин тарыхында эки салмакта тең чемпион болгон ирландия мушкери.