21:17 21 Баш оона 2019
Түз эфир
  • USD69.8160
  • EUR77.4818
  • RUB1.0536
Run the Silk Road марафонунун катышуучусу. Архив

Чолпон-Атада жөө күлүктөрдүн Run the Silk Road эл аралык турнири өтөт

© Sputnik / Табылды Кадырбеков
Спорт
Кыскача шилтеме алуу
114 0 0

Мелдештин байге фондусу 420 миң сомду түзөт

БИШКЕК, 23-апр. — Sputnik. Олимпиада оюндарынын коло медаль ээси Сатымкул Жуманазаровдун элесине арналган VII эл аралык аралык Run the Silk Road турнири өтөт. Бул тууралуу Жаштар иши, дене тарбия жана спорт агенттигинен кабарлашты.

Мелдеш 12-майда Чолпон-Атада өтөт. Анда катышуучулар Корумду айылына чейин чуркап, кайра келишет.

Программада марафон (42 чакырым 195 метр), жарым марафон (21 чакырым 97,5 метр), 10 миң жана 3 миң метрге чуркоо каралган.

Турнирге Кыргызстандын жана чет өлкөнүн күлүктөрү менен спорт сүйүүчүлөрү катыша алат. Мелдешке катышуу үчүн арызды уюштуруучулардын сайтына жиберүүгө болот. http://runthesilkroad.com/

Байге фондусу 420 миң сом. Мелдеш кыздар жана эркектер арасында өтөт. Биринчи орунду алгандар 70 миң, экинчи орун үчүн 50 миң, үчүнчүгө 30 миң берилет.

Жарым марафондогу биринчи орунга 25 миң, экинчиге 20 миң, үчүнчүгө 15 миң сом каралган. Ошондой эле ар бир катышуучуга атайын футболкалар таратылат.

Мелдештин уюштуруучулары — "Эл аралык марафон дирекциясы" коомдук бирикмеси, Жаштар иши, дене тарбия жана спорт боюнча мамлекеттик агенттик, Улуттук олимпиада комитети жана КРдин жеңил атлетика федерациясы.

Тема боюнча

"Кыргызстандын бермети". Спорттун беш түрү боюнча эл аралык фестиваль өтөт
Дарманы калбай калган жөө күлүк марага жөрмөлөп жетти. Видео

ЭҢ МААНИЛҮҮ