Балбан Муслим Евлоев атаандаштарын баш көтөртпөй финалга чыкты

© Фото / пресс-служба ГАМФКиСКыргызстанский борец Муслим Евлаев
Кыргызстанский борец Муслим Евлаев - Sputnik Кыргызстан
Жазылуу
Финалда Евлоев монгол балбаны Мандахранан Ганзориг менен беттешет

БИШКЕК, 4-мар. — Sputnik. Кыргызстандык балбан Муслим Евлоев (74 кг.) Бишкектө өтүп жаткан Азия чемпионатынын финалына чыкты.

Чемпионат Азии по вольной борьбе во Дворце спорта в Бишкеке - Sputnik Кыргызстан
Күрөш боюнча Азия чемпионатынын акыркы күнү. Учурда эмне болуп жатат?
Евлоев квалификациялык кармашта тажикстандык балбан Сорбон Абдулхаевди 11:0 эсебинде, чейрек финалда түркмөнстандык балбан Давлетмурат Оразгулужовду 12:2 эсебинде утуп, жарым финалда ирандык Мостафа Мохабалли Хоссейнханини 8:4 эсебинде жеңди. Эми финалда Евлоев монгол балбаны Мандахранан Ганзориг менен беттешет.

Ал эми Улукбек Жолдошбеков (61 кг.), Бактияр Карагул уулу (92 кг.) жана Мурат Рамонов (125 кг.) чейрек финалда жеңилүү ызасын тартып калды. Эгерде атаандаштары финалга чыкса, коло байге үчүн күч сынаша алышат. Таалайбек уулу Динислам (86 кг.) болсо, квалификациялык беттеште эле утулган.

Бүгүн эркин күрөш боюнча медалдын беш комплектиси ойнотулмакчы. Кечээ, 3-мартта дагы медалдын беш топтому ойнотулган, бирок, бир да кыргызстандык байге алган эмес.

27-мартта башталган күрөш боюнча Азия чемпионаты бүгүн, 4-мартта жыйынтыкталат.

Жаңылыктар түрмөгү
0