04:29 26 Үчтүн айы 2020
Түз эфир
  • USD69.8443
  • EUR77.1640
  • RUB1.1301
Спорт
Кыскача шилтеме алуу
Күрөш боюнча Азия чемпионаты-2018 (39)
150 0 0

Атабек Азисбеков Казакстандан келген Асхат Дилмухамедов менен кармашкан

БИШКЕК, 28-фев. — Sputnik. Күрөш боюнча Азия чемпионатында кыргызстандык балбан Атабек Азисбеков күмүш медалга ээ болду.

Ал финалда Казакстандан келген Асхат Дилмухамедов менен кармашкан. Оюндун биринчи бөлүгү 2:0 эсеби менен кыргызстандык спортчунун пайдасына чечилген. Бирок экинчи бөлүктүн акыркы мүнөтүндө Азисбековду атаандашы партерден көтөрүп эки жолу айландырып жиберген. Натыйжада 5:3 эсеби менен казакстандык спортчу жеңишке жетти.

Атабек Азисбеков грек-рим күрөшү боюнча 82 килограмм салмак ченде чейрек финалда өзбекстандык Нурбек Касымбековду жеңсе, индиялык балбанды 5:0 эсеби менен багындырган.

Буга чейин Акжол Махмудов Кыргызстан курама командасынын куржунуна алгачкы алтынды камсыздап берди. Ал эми Каныбек Жолчубеков коло медалга ээ болгон. Кечээ, чемпионаттын биринчи күнүндө Жоламан Шаршенбеков (55 кг) экинчи орунду камсыздап, күмүш тагынды. Ошондой эле дагы бир күмүш медалга Урмат Аматов (63 кг) ээ болсо, Азат Бейшебеков (87 кг) менен Мурат Рамонов (130 кг) коло байгеге татыды.

Тема:
Күрөш боюнча Азия чемпионаты-2018 (39)

Тема боюнча

Грек-рим күрөшүнөн 2 күмүш, 2 коло байге! Азия чемпионатынын биринчи күнү аяктады
Сүйүнчү! Акжол Махмудов алтын тагынып Азия чемпиону болду
Каныбек Жолчубеков ирандык атаандашын көтөрүп чаап, коло байге утту
Белгилер:
грек-рим күрөшү, спорт, Атабек Азисбеков

ЭҢ МААНИЛҮҮ