Россия спортчулары 2018-жылкы Олимпиадада өз желеги менен чыга албай калды

© Sputnik / Валерий Мельников / Медиабанкка өтүүРоссиянын жана олимпиада оюндарынын желектери. Архив
Россиянын жана олимпиада оюндарынын желектери. Архив - Sputnik Кыргызстан
Жазылуу
Россия тарап кызытма маселесине илешпеген спортчулардын бардыгы олимпиадага катышууга укук алышы керек деп көшөргөн

БИШКЕК, 6-дек. — Sputnik. Россиялык спортчуларга Пхенчхандагы (Түштүк Корея) 2018-жылдагы оюнда олимпиада желеги менен гана чыгууга уруксат берилгени Эл аралык олимпиада комитетинин сайтында кабарланды. Бул туурасында Р-Спорт жазды.

Мындай чечимди Лозаннадагы Эл аралык олимпиада комитетинин аткаруучу комитети кабыл алган.

Оюндарга россиялык "таза" спортчулар катыша алат. 

Түштүк Кореянын Пхенчхан шаарында 2018-жылы өтө турчу кышкы Олимпиаданын уюштуруучулары жеңүүчүлөргө тапшырыла турчу медалдарды элге көрсөттү - Sputnik Кыргызстан
2018-жылы өтчү кышкы Олимпиаданын медалдары кандай болору көрсөтүлдү
Аталган комитет эки комиссиянын чечиминин негизинде чечим кабыл алды. Биринчисинин башында Денис Освальд туруп, ал Сочи олимпиадасынан россиялык спортчуларды допингден кайра текшерип чыккан. Анын ишинин натыйжасында Россия 11 сыйлыгынан ажырап, жалпы командалдык эсепте биринчи орунду албай калган. 

Экинчи комиссияга Швейцариянын президенти Самуэль Шмид башчылык кылып, россиялык допингге каршы системага мамлекеттин киришкени боюнча маалыматты текшерген. Экөө тең ишин Ричард Макларендин россиялык спортчуларынын кызытма-үлгүсүнүн алмаштырылышы боюнча WADA иликтөөсүнөн кийин баштаган. 

Россия тарап кызытма маселесине илешпеген спортчулардын бардыгы олимпиадага катышууга укук алышы керек деп көшөргөн. Октябрда Владимир Путин четке чыгарып салууну, ошону менен катар эле нейтралдык желек менен катышууга уруксат берүүнү басынткандык катары баалаган. 

2016-жылы Эл аралык олимпиада комитети кызытма боюнча күнөөлөөдөн улам, РИОдогу олимпиадада россиялык спортчуларын катышуусун кайра карап чыккан. Анда өлкөнүн курама командасы өз желеги менен катышууга укук алып, ал эми жеңил атлетикачылар четтетилип калган. 

Жаңылыктар түрмөгү
0