Эсен Асанов Польшада өткөн күрөш боюнча дүйнө чемпионатында коло тагынды

© Facebook/ United World WrestlingЧемпионат мира по спортивной борьбе (U-23) в Польше
Чемпионат мира по спортивной борьбе (U-23) в Польше - Sputnik Кыргызстан
Жазылуу
Кыргызстандык балбан 75 килограммга чейинки салмак категориясында күч сынашкан

БИШКЕК, 22-ноя. — Sputnik. Кыргызстандык балбан Эсен Асанов Польшада өткөн күрөш боюнча дүйнө чемпионатында (U-23) коло тагынды. Бул тууралуу дүйнөлүк күрөш биримдигинин сайтында маалымдалды. 

Беттеште 23 жашка чейинки балбандар эркин, грек-рим жана аялдардын күрөшү боюнча күч сынашкан. Аталган чемпионат Быдгощ шаарында өтүп, 21-ноябрдан 26-ноябрга чейин болгон.

WEF уюмунун чемпиондук куру үчүн ат салыша турчу мушкерлер Кылычбек Саркарбаев (Кыргызстан) жана Али Мухаммед (АКШ) - Sputnik Кыргызстан
Сазайыңды октагондон берем! WEF турниринде сес көрсөткөн мушкерлердин сүрөтү
Асанов 75 килограммга чейинки салмак категориясында күч сынашкан. Кыргызстандык балбан Латвия, Белоруссия жана Венгриядан келген атаандаштарын утуп, жарым финалга чыга алган.

Финалга чыгуу үчүн болгон беттеште ал түркиялык Фатих Ченгиз менен беттешип, 0:5 эсебинде утулуп калган. Ал эми коло байге үчүн болгон кармашта азербайжандык Насер Гасановду жеңип алган.

Эсен Асанов 2016-жылы Түркиянын Чорум шаарында өткөн студенттердин дүйнөлүк чемпионатынын жеңүүчүсү болгон.

Жаңылыктар түрмөгү
0