БИШКЕК, 27-сен. — Sрutnik. Борбор калаадагы №6, 24, 13 жана 62 мектептердин өкүлдөрү мектеп спорту боюнча КМШ мамлекеттеринин окуучуларынын Ленинград облусундагы эл аралык V фестивалына катышууда. Бул туурасында кыргызстандык окуучуларды алып барган кыргыз тобунан кабарлашты.
Маалыматта 23-сентябрдан башталган иш-чара 30-сентябрда аяктары айтылган.
Иш-чаранын алкагында "КМШ өлкөлөрүндө мектеп спортун өнүктүрүү жана балдар спорту боюнча мамлекеттер арасында байланышты калыптандыруу" темасында тегерек стол өтүп, талкуу болмокчу. Ага аталган шериктештик аймагындагы белгилүү спортчулар, адистер, окумуштуулар, Москва менен Санкт-Петербургдун илимий мекемелеринин өкүлдөрү чакырылган. Ага кошумча Мамлекеттик Думанын депутаттары катышмакчы.
Иш чарада Кыргызстандын мектеп спорту боюнча федерациясы кызматташуу боюнча макулдашууга кол койду. Фестивалдын уюштуруучулары мындан макулдашууларга оюндардын тарыхында алгачкы ирет кол коюлуп жаткандыгын айтышты. Ага ылайык, Бишкек келерки фестивалды өзүнө өткөрүүгө мүмкүнчүлүк алышы ыктымал.
