БИШКЕК, 6-сен. — Sputnik. Ысык-Көл жээгинде төрт өлкөнүн спортчулары волейбол боюнча ат салыша баштады. Бул тууралуу аталган спорттун түрү боюнча федерация билдирди.
Маалыматка ылайык, "Азия — кызматташтыктын жана тынчтыктын аймагы" урааны менен өтүп жаткан эл аралык турнир 5-сентябрда башталды. Ага Казакстан, Россия, Кытай жана Кыргызстандан чогулган 50дөй команда катышып жатат. Классикалык жана пляж волейболу боюнча мелдеш кыздар жана эркектер арасында өтүүдө.
Андан сырткары, аталган спорттук иш-чаранын алкагында кол күрөш, стритбол, аркан тартыш, сууда сүзүү, оордук көтөрүү, жеңил атлетика, самбо, футбол боюнча мелдештер пландалган.