БИШКЕК, 25-май — Sputnik. Футбол боюнча Европа лигасында англиялык "Манчестер Юнайтед" командасы жеңүүчү аталды.
Кечээ түнү Стокгольмдо өткөн (Швеция) финалдык оюнда "Манчестер Юнайтед" менен голландиялык "Аякс" командасы беттешкен. Белгилей кетсек, мында жеңген команда кадыр-барктуу еврокубок менен бирге Чемпиондор лигасынын кийинки сезонуна жолдомо алат.
Оюндун 18-мүнөтүндө дүйнөдөгү эң кымбат оюнчу Поль Погба, ал эми 48-мүнөтүндө Генрих Мхитаряндын киргизген тобу англиялык клубга жеңишти камсыздап берди. Эки тараптын тең кыл чайнашкан беттешүүсүнүн соңунда 2:0 эсеби өзгөрүүсүз калып "Манчестер Юнайтед" Европа лигасын багындырды.
"Манчестер Юнайтед" Англиянын чемпиондугун жеңгенден кийин биринчи төрттүккө кирмек эмес. Эми аларга Европа лигасын багындыруу менен Чемпиондор лигасында ойноо мүмкүнчүлүгү түзүлдү.
