Айсулуу Тыныбекова дүйнөдөгү эң мыкты беш балбандын катарына кирди

© AFP / JACK GUEZОлимпиада 2016. Вольная борьба. Женщины. Весовая категория до 58кг
Олимпиада 2016. Вольная борьба. Женщины. Весовая категория до 58кг - Sputnik Кыргызстан
Жазылуу
Балбандардын рейтинги олимпиадалык оюндар менен континенталдык мелдештерде жетишкен ийгиликтеринин көрсөткүчү менен түзүлөт.

БИШКЕК, 10-фев. — Sputnik. Бириккен күрөш дүйнөсү (UWW) дүйнөдөгү эң күчтүү балбандардын быйылкы биринчи рейтингин жарыялады. Кыргызстандык Айсулуу Тыныбекова алдыңкы беш мыктынын катарына кирди. 

Олимпиада 2016. Вольная борьба. Женщины. Весовая категория до 58кг - Sputnik Кыргызстан
Айсулуу Тыныбекова Россиядагы эл аралык мелдеште алтын тагынды
Азия чемпиону жана Кыргызстанда аялдар арасындагы мелдештердин бир нече жолку чемпиону Рио-де-Жанейро шаарында өткөн Олимпиада оюндарынан кийин өзүнүн көрсөткүчтөрүн жакшыртып, жетинчи орундан бешинчи орунга көтөрүлгөн. Жоон билек спортчулардын рейтинги олимпиадалык оюндар менен континенталдык мелдештерде жетишкен ийгиликтердин көрсөткүчү менен түзүлөт.

Биринчи орунда Рио олимпиадасында баш байгени алган япон балбаны Каори Ичо турат. Экинчи орунда россиялык Валерия Коблова-Жолобова болсо, үчүнчү сапты тунистик балбан Марва Амри ээлеген. Төртүнчү орунда индиялык Сакши Малик турса, кыргызстандык балбан Айсулуу Тыныбекова бешинчи орунду камсыз кылган.

Быйыл январь айынын аягында Тыныбекова Иван Ярыгин турниринде алтын медаль алган.

Жаңылыктар түрмөгү
0