10:01 20 Бирдин айы 2017
Түз эфир
Оор атлетчи Иззат Артыковдун архивдик сүрөтү

Швейцарияда оор атлетчи Иззат Артыковдун иши боюнча сот болду

© AFP / GOH Chai Hin
Спорт
Кыскача шилтеме алуу
Иззат Артыковдун коло медалынан ажыратылышы (14)
378541

Кыргызстандык балбан допинг колдонду деген жүйө менен Рио-де-Жанейродо өткөн Олимпиададагы коло байгесинен ажыратылган.

БИШКЕК, 12-янв. — Sputnik. Швейцариянын Лозанна шаарында оор атлетчи Иззат Артыковдун иши боюнча сот болгонун Жаштар иши, дене тарбия жана спорт агенттиги билдирди.

Сотко Артыков менен Кыргызстандын оор атлетика боюнча вице-президенти Улан Молдодосов катышкан. Ошондой эле Мамлекеттик спорт агенттигинин башчысы Канат Аманкулов менен Улуттук Олимпиада комитетинин башкы катчысы Саламат Эргешов онлайн түрүндө сотко катышкан.

Азырынча соттун чечими белгилүү боло электигин Жаштар иши, дене тарбия жана спорт агенттиги маалымдады. Сот бир нече саатка созулган.

Эске салсак, Рио-де-Жанейродо өткөн Олимпиадага Кыргызстандан 19 спортчу катышкан. Алардын ичинен байгелүү орунга Иззат Артыков гана жетип, коло медаль тагынган. Бирок, 18-августта спорт арбитраждык соту Дүйнөлүк допинг агенттигинин (WADA) маалыматына таянып аны байгесинен ажыраткан. Маалыматка ылайык, Артыковдун анализдеринен тыюу салынган стрихнин заты табылган.

Ал эми 2016-жылдын октябрында оор атлетика боюнча эл аралык федерация (IWF) Рио-де-Жанейро шаарында өткөн Олимпиада оюндарынан төрт катышуучуну, анын ичинде Иззат Артыковду антидопинг эрежелерин бузганы үчүн дисквалификациялаган.

Тема:
Иззат Артыковдун коло медалынан ажыратылышы (14)

Тема боюнча

Спорт дарыгери чучук менен тамекиде стрихнин допинги бар деген божомолго жооп берди
Интернет Иззат туурасында: жалган доомат, көз тийди, Атамбаев жардам бериңиз!
Белгилер:
дисквалификация, допинг, олимпиада, сот, Иззат Артыков