БИШКЕК, 10-янв. — Sputnik. Казакстанда өткөн таэквондо чемпионатында кыргыз спортчулары байгелүү орундарга ээ болушту. Бул тууралуу Таэквондо федерациясынын Ысык-Көлдөгү бөлүмүнүн жетекчиси Нурдин Каимов Sputnik Кыргызстан агенттигинин аймактык кабарчысына билдирди.
Анын айтымына караганда, Кыргызстандын капчыгына 3 алтын, 3 күмүш жана 2 коло медаль буюрган.
Казакстанда өткөн таэквондо чемпионатындагы кыргыз спортчулары
© © Sputnik
"Казакстандын Алматы шаарында өткөн чемпионатка Ысык-Көл облусунун Балыкчы шаарынан жети өспүрүм барган. Алардын бардыгы байгелүү орундарга ээ болушту", — деди Каимов.
Байгелүү кайткан спортчулар:
- Махабат Жеңишбекова — 50 килограмм салмакта 1-орунду ээлеген;
- Алия Шейшенбекова — 58 килограмм салмакта биринчи жана тыль боюнча 3-орунду ээлеген;
- Нурсулуу Азаматова — 26 килограмм салмакта 1-орун;
- Рамазан Бисенгалиев — 20 килограмм салмакта 2-орун;
- Нурдөөлөт Максатов — 22 килограмм салмакта 2-орун;
- Байчоро Мамытбеков — 36 килограмм салмакта 2-орун.
- Илгиз Асаналиев — 40 килограмм салмакта 3-орунду ээлеген.
