БИШКЕК, 2-янв. — Sputnik. Футзал боюнча "Наристе-2017" мелдеши Бишкек шаарында өтө турганын Жаштар иши, дене тарбия жана спорт мамлекеттик агенттигинин маалымат кызматынан билдиришти.
Мелдеш Каба уулу Кожомкул атындагы спорт сарайында 3-10-январь күндөрү өтөт. Аталган иш-чара ар жыл сайын январь айынын баштапкы күндөрүндө өткөрүлүп келет.
Таймаш мамлекеттик органдардын кызматкерлери (25 жаштан жогору) жана ышкыбоздор, ардагерлер (35, 45 жана 55 жаштан жогору) ортосунда болот.
Мелдеш эки баскычта өтөт. Биринчисинде тайпадагы командалардын баары бири-бири менен, экинчисинде тайпадан жеңип чыккандар плей – офф (утулганы четтейт) сиситемасы менен финалга чейин барышат.
