16:52 20 Аяк оона 2017
Түз эфир
Реал клубунун жана Португалия курама командасынын чабуулчусу Криштиану Роналдунун архивдик сүрөтү

Криштиану Роналду быйылкы "Алтын топту" алды

© AFP / FABRICE COFFRINI
Спорт
Кыскача шилтеме алуу
53510

Криштиану ушуну менен төртүнчү ирет "Алтын топту" алууда. Ал 2008, 2013 жана 2014-жылдары France Football жана ФИФА тарабынан эң мыкты аталып, "Алтын топко" татыган.

БИШКЕК, 13-дек. — Sputnik. "Реал" клубунун жана Португалия курама командасынын чабуулчусу Криштиану Роналду франциянын France Football журналы тарабынан берилчу "Алтын топко" ээ болгону басылманын расмий сайтында маалымдалат.

Криштиану ушуну менен төртүнчү ирет "Алтын топту" алууда. Ал 2008, 2013 жана 2014-жылдары France Football жана ФИФА тарабынан эң мыкты аталып, "Алтын топко" татыган.

​Быйыл Криштиану Португалиянын курама командасы менен Европа чемпионатын утуп алса, "Реал" клубу УЕФАнын чемпиондор лигасында жеңишти камсыздаган.

Роналду Японияда өтө турчу дүйнө чемпионатына даярданып жаткандыктан быйылкы "Алтын топту" ыйгаруу салтанатына келген жок.

"Алтын топ" 1956-жылы France Football тарабынан негизделген. Ал Европадагы эң мыкты аталган футболчуга берилет (спорт журналисттеринин пикири эске алынуу менен чыгарылат). 2010-жылы FIFA менен France Football "ФИФАнын жылдын мыкты оюнчусу" менен "Алтын топ" наамдарынын бириктирилгенин жарыялаган. Жаңы наам негизделгенден кийин "ФИФАнын алтын тобу" наамы дүйнөдө календардык жылда мыкты аталган футболчуга берилет. Мыкты футболчуну машыктыруучулар, улуттук курама команданын капитандары жана спорт журналисттери аныкташат.

Акыркы жолу бул титулду Лионель Месси алган. Сентябрда France Football наамдарды ыйгарууда FIFA менен өнөктөштүктү токтотконун жарыялаган. Ошентип жеңүүчүнү аныктоодо жаңы эрежелерди киргизген. Байге эми мурдагыдай бир гана спорт журналисттеринин пикирин эске алуу менен чыгарылат.

Тема боюнча

"Алтын топ": КР командасынын капитаны жана машыктыруучусу кимге добуш берди
Кыргызстандын курамасы FIFA рейтингинде эки тепкичке көтөрүлүшү мүмкүн
Белгилер:
"алтын топ", Футбол, Криштиану Роналду

ЭҢ МААНИЛҮҮ