Рио 2016: бүгүн күч сынашчу кыргызстандык жөө күлүктөр тууралуу 5 факты

© AFP / PEDRO UGARTEУчастницы олимпиады 2016 во время забега на длинную дистанцию
Участницы олимпиады 2016 во время забега на длинную дистанцию - Sputnik Кыргызстан
Жазылуу
Бүгүн Бишкек убактысы боюнча 18:30да жеңил атлетиканын марафондук 42 киломметр 195 метр аралыктагы кыз-келиндердин жарышы башталат. Мында өлкө намысын Юлия Андреева, Виктория Полюдина жана Мария Коробицкая коргойт.

БИШКЕК, 14-авг. — Sputnik. Бразилиядагы жайкы Олимпиада оюндарынын алкагында бүгүн, 14-августта кыргызстандык марафончулар Юлия Андреева, Мария Коробицкая жана Виктория Полюдиналар бактысын сынап көрүшөт.

Эскерте кетсек, буга чейин оор атлетчи Иззат Артыков коло медаль утуп алып, керекке жараган. Ал эми калган спортчуларга азырынча ийгилик ташы оой элек. 

Sputnik Кыргызстан агенттиги жөө күлүк тууралуу кызыктуу фактыларды сунуштайт.

© AFP / MANAN VATSYAYANA Жөө күлүк Юлия Андреева (солдо)
Бегунья на длинные дистанции, участница двух летних Олимпийских игр Юлия Андреева  - Sputnik Кыргызстан
Жөө күлүк Юлия Андреева (солдо)

Юлия Андреева

  • Рио олимпиадасына кыргыз спортчуларынын ичинен эң биринчи жолдомону жөө күлүктөрдөн Юлия Андреева алган. 
  • Марафончу Юлия мурда орто аралыкка чуркаса, 2008-жылы Бээжин, 2012-жылы Лондон олимпиадалык оюндарынын марафондук жарыштарына катышкан. Ал орто аралыктарга чуркоодо өлкөнүн көп жолку чемпиону. Эл аралык турнирлерде бир нече ирет мөрөй алган. 
  • Спорттун эл аралык чебери Юлия 32 жашта. 1984-жылы 7-мартта Ташкент шаарында туулган. Ал 14 жашынан баштап жеңил атлетика менен машыга баштаган. 
  • Мурдагы мелдештерге Архипова болуп катышып келсе, кийин орусиялык марафончу Григорий Андреевге турмушка чыгып, жолдошунун фамилиясын алган. 
  • 2015-жылы Чехиянын Прага шаарында өткөн марафондук жарышта 42 чакырым 195 метр аралыкты 2 саат 37 мүнөт 37 секундда чуркап өтүп, Рио-де-Жанейро олимпиадасына катышууга жолдомо алган. Башкы машыктыруучусу — Евгений Андреев.

Мария Коробицкая

  • 26 жаштагы Мария жогорку билимдүү, Кыргыз мамлекеттик дене тарбия, спорт академиясын бүткөн. 
  • Кыргызстандын спорт чебери болуп саналат. 
  • 2013-жылы Азия чемпионатында марафондук 42 чакырым 195 метр аралыкка чуркап, марага бешинчи болуп келген. 2015-жылы Россиянын Омск шаарында ошол эле аралыкты 2 саат 38 мүнөт 25 секундда чуркап өтүп, Рио-де-Жанейро Олимпиадасына катышууга жолдомо алган.
  • Устаты — Кыргызстанга эмгек сиңирген машыктыруучу Виктор Борисов. Башкы машыктыруучусу — Евгений Андреев. 
  • Спортчу орто аралыктарга чуркоодо өлкө чемпиону. Эл аралык турнирлерде бир нече ирет мөрөй алган.

© Фото / Сагын АильчиевКыргызстандык жеңил атлетчи Виктория Полюдина
Участник Олимпиады-2016, кыргызстанская легкоатлетка Виктория Полюдина - Sputnik Кыргызстан
Кыргызстандык жеңил атлетчи Виктория Полюдина

Виктория Полюдина

  • 27 жаштагы Виктория Каракол шаарында туулган. КРдин Эл аралык спорт чебери. Бишкек шаарындагы Исхак Раззаков атындагы Кыргыз мамлекеттик техникалык университетин бүткөн. 
  • Марафончу Виктория мурда орто аралыкка чуркап, 5000 жана 10000 метр аралыктарда Кыргызстандын көп жолку чемпиону жана рекордчусу болгон. 
  • 2010-жылы жабык имараттагы Азия чемпионатында 5000 жана 10000 метр аралыктарда марага биринчи келип, Азия чемпиону аталган. 
  • 2016-жылы Чехиянын Прага шаарында өткөн марафондук жарышты 2 саат 40 мүнөт 36 секундда чуркап өтүп, Рио Олимпиадасына жолдомо алган.
  • Устаттары — Кыргызстанга эмгек сиңирген машыктыруучулар Виктор Борисов жана Татьяна Борисова. Башкы машыктыруучусу — Евгений Андреев.

Кыргызстан Рио олимпиадасында канча медалга үмүтү бар экенин Sputnik Кыргызстан агенттигинин материалынан окуңуз>>

Жаңылыктар түрмөгү
0