Евро-2016: финалда Португалия Франциядан 41 жылдык "өчүн алууга" аракет кылат

© AFP / GEOFFROY VAN DER HASSELT Париждеги күйөрмандар үчүн коюлган чоң экран. Архив
Париждеги күйөрмандар үчүн коюлган чоң экран. Архив - Sputnik Кыргызстан
Жазылуу
Португалиянын курама командасы буга чейин Европа чемпионатын бир да жолу уткан эмес.

БИШКЕК, 10-июл. — Sputnik. Футбол боюнча Европа чемпионаты аягына келип калды. 10-июлда боло турчу финалдык беттеште Португалия менен Франциянын курама командалары биринчилик үчүн ат салышат.

Беттеш Париждин четиндеги Сен-Дени аймагындагы "Стад де Франс" стадионунда жергиликтүү убакыт боюнча саат 21.00дө өтөт. (Бишкек убактысы боюнча 11-июль, түнкү саат 1.00). Оюнга Марк Клаттенбург башында турган англиялык калыстар көз салат.

© Sputnik / Владимир Песня / Медиабанкка өтүүПортугалия курама командасы
Португалия курама командасы - Sputnik Кыргызстан
1/2
Португалия курама командасы
© Sputnik / Григорий Сысоев / Медиабанкка өтүүФранция курама командасы
Франция курама командасы - Sputnik Кыргызстан
2/2
Франция курама командасы
1/2
Португалия курама командасы
2/2
Франция курама командасы

Эгер француздар утушса алардын өз үйүндө жеткен үчүнчү жеңиши болуп калат. Буга чейин алар 1984чү жана 1998-жылдары жеңишке жеткен.

Албания курамасынын чырайлуу күйөрман кыздары. Эгерде Албанияга ийгилик жылмайып, кийинки турга өтсө бул суулууларды кайрадан кезиктирүүгө болот - Sputnik Кыргызстан
Евро-2016 биринчилигиндеги көз күйдүргөн күйөрман кыздар
Ал эми оюн эсеби португалиялыктардын пайдасына чечилсе, алар үчүн бул ийгилик Европа чемпионатында жеткен алгачкы жеңиш болот.

Каршылаштар тууралуу айта турган болсок, быйыл беттеште француздар 18 жолу жеңишке, бир жол тең чыгып, 5 жолу утулуу ызасын тарткан. Акыркы жолу португалиялыктар француздарды 41 жыл мурун башкача айтканда учурдагы футбол жылдызы Криштиану Роналду төрөлө электе утушкан. Андан бери алар француздардан 10 жолу катары менен утулушкан. Акыркы жолу эки команда 2006-жылы дүйнө чемпионатынын жарым финалында кездешкен. Анда Зинедин Зидандын бир голу француздарды алдыга алып чыккан.

Жаңылыктар түрмөгү
0