БИШКЕК, 14-апр. — Sputnik. Чемпиондор лигасынын жарым финалына чыккан дагы эки команда аныкталды. Анда испаниялык "Атлетико" менен германиялык "Бавария" чейрек финалда атаандаштарын жеңип алышты.
Шаршемби күнү Чемпиондор лигасынын чейрек финалдык оюндарынын жооптуу беттештери болду.
Мадриддик "Атлетико" өз үйүндө каталониялык "Барсаны" кабыл алды. Эки команда ортосундагы биринчи оюн 2:1 эсебинде "Барсанын" пайдасына чечилген эле.
Кийинки оюнда Португалиянын "Бенфика" клубу Германиянын "Бавария" командасы менен ойноп, беттештин жыйынтыгы 2:2 эсебинде жыйынтыкталды. Аталган эки команда ортосундагы биринчи беттеш 1:0 эсебинде "Бавариянын" пайдасына чечилгендиктен, германиялыктар жарым финалга чыгышты.
Чемпиондор лигасынын жарым финалына "Реал", "Атлетико", "Бавария" жана "Манчестер Сити" чыкты.
Жарым финалдык беттештер 15-апрелде чучу кулактын жыйынтыгы менен аныкталат.
