Крестинин: Бангладеш менен боло турган оюнга олуттуу маани берүүдөбүз

© пресс-служба ФФКРУлуттук команданын башкы машыктыруучусу Александр Крестинин. Архив
Улуттук команданын башкы машыктыруучусу Александр Крестинин. Архив - Sputnik Кыргызстан
Жазылуу
Башкы машыктыруучу Тажикстан менен болгон оюнга саресеп салынып, жыйынтык чыгарылганын белгиледи. 8-октябрда өткөн беттешүү 2:2 эсеби менен аяктаган.

БИШКЕК, 12-окт. — Sputnik. Кыргызстандын курама командасы Бангладеш менен беттешүүгө олуттуу маани берерин улуттук команданын башкы машыктыруучусу Александр Крестинин билдирди.

2018-жылда болуучу Дүйнө чемпионатынын тандоо турунун алкагындагы эки команданын оюну 13-октябрда Дөлөн Өмүрзаков атындагы стадиондо өтөт.

Алгач машыктыруучу команданын сол жактагы коргоочусу Валерий Кичинди 23 жашка чыгышы менен куттуктады. 

"Алдыдагы оюнга орчундуу маани берип келебиз. Тажикстан менен болгон оюндан жыйынтык чыгардык", — дейт насаатчы.

Кыргызстан — Бангладеш оюнун бахрейндик арбитр тескейт
Коргоочу Валерий Кичин команда беттешүүгө дыкат даярдык көрүп, оюн оңой болбой турганын белгиледи.

"В" тайпасындагы параллелдин оюнда Иорданиянын командасы австралиялыктарды 2:0 эсеби менен утуп, 10 упай менен биринчиликке чыкты. Төрт оюндун жыйынтыгында Австралия командасы тогуз упай менен экинчи орунда. Кыргызстандын курама командасы беш упай менен үчүнчүлүгүн сактап келе жатат. Андан кийин эки упай топтогон Тажикстан жана акырында бир упай менен Бангладеш турат.

Жаңылыктар түрмөгү
0