Кыргызстан менен Иордания командалары тең чыкты

© Sputnik / Табылды КадырбековКыргызстандык курама командасынын футболчулары. Архив
Кыргызстандык курама командасынын футболчулары. Архив - Sputnik Кыргызстан
Жазылуу
Оюн дүйнө чемпионатынын тандоо турунун алкагында өттү.

БИШКЕК, 3-сен. — Sputnik. Кыргызстандын футбол боюнча курама командасы Иорданиялык атаандашы менен бирдей оюн көрсөттү.

Эки команданын беттешүүсү дүйнө чемпионатынын тандоо турунун алкагында Иорданиянын борбору Амман шаарында өттү.

Кыргызстандык футболчулар бир нече ирет артыкчылыгын көрсөтүүгө мүмкүнчүлүк алышты, бирок атаандаштын дарбазачысы мыкты чебер экенин аныкташты. Иорданиялыктар да экинчи таймда оң жактан берилген топту кыргызстандыктардын дарбазасына киргизүүгө ыңгайлуу шарт түзүлгөн. Экинчи таймдын башталышында талаанын кожоюндары дарбазага топ киргизгени менен малайзиялык арбитр офсайд болгонун көрсөттү. Оюн 0:0 эсеби менен аяктады.

Команданын башкы машыктыруучусу Александр Крестинин. Архив - Sputnik Кыргызстан
Крестинин: чабуул менен бирге мыкты коргонууну да көрсөтөбүз
Беттешүүнү малайзиялык арбитр Мохд Бин Якоб тескеди. Бейшембиде өткөн дагы бир оюнда Австралиянын курама командасы Бангладешти 5:0 эсеби менен утканы белгилүү болду.

Дүйнө чемпионатынын тандоо турунда Кыргызстан Бангладеш, Тажикстан, Иордания жана Австралия командалары менен бир тайпада ойнойт. Үч оюндан кийин Кыргызстан төрт упайга ээ болду.

Эки оюндун жыйынтыгы менен В тайпасында биринчи орунда алты упайга ээ болгон австралиялыктар турат. Алар дагы бир оюн ойношот. Экинчи орунда төрт упайы менен Иордания командасы келе жатат, запаста дагы бир оюну бар. Кыргызстандын курама командасы төрт упай менен үчүнчү орунда, буга чейин кыргызстандык футболчулар бир жолу утулуп, бир жолу жеңишке жетишип, бир жолкусунда тең чыккан. 

Төртүнчү орунда Тажикстандын футболчулары турат, команда эки упайга ээ. Ал эми акыркы бешинчи орунду Бангладештин командасы ээледи.

Жаңылыктар түрмөгү
0