БИШКЕК, 22-авг. — Sputnik. Валентина жана Антонина Шевченколор Таиланддын борбору Бангкок шаарында өтүп жаткан муай-тай боюнча Падышалык кубоктун финалына чыгышканын Кыргызстандын тай боксу боюнча федерациясы билдирди.
Бул жылы чемпионатка жүздөн ашуун өлкөдөн келген эки миңге чукул спортчу катышууда.
"Финал үчүн болгон 60 килограмм салмак чендеги беттешүүдө Валентина биринчи раундда эле бельгиялык спортчуну нокаут менен жеңди. Антонина 63,5 килограмм салмак ченинде Россия жана Европа чемпиону болгон Светлана Винникованы калыстар тобунун бир добуштук чечими менен артка калтырды", — деп айтылат билдирүүдө.
Финалда Валентина белоруссиялык Мария Валент менен беттешсе, Антотнина австралиялык Мелиса Андерсон менен күч сынашат.
Чемпионатка Кыргызстандын курама командасы да катышкан, тилекке каршы, команда биринчи айлампада эле оюндан чыгарылган.
Кыргызстандык эже-сиңди Шевченколор учурда Перу клубунун таламын талашып келет.