БИШКЕК, 19-июнь — Sputnik. Бильярд оюнчулары Бишкекте ат салыша турганын Дене тарбия жана спорт мамлекеттик агенттигинин маалымат кызматы билдирди.
Маалыматка ылайык, 20-22-июнь күндөрү "Тартуга" бильярд клубунда эркектер арасында "Эркин пирамида" боюнча Кыргызстандын чемпионаты өтөт. Иш-чара Бильярд спорт федерациясынын уюшулган күнүнө карата өткөрүлүүдө.
Чемпионатка 64 спортчу катыыпт, мелдеш квалификациялык жана негизги болуп эки баскычта өтөт.
Мелдештин негизги максаты бильярд спортун жайылтуу жана өнүктүрүү болуп саналат. Күчтүү спортчулар эл аралык мелдештерге катышуу үчүн Кыргызстандын курама командасына кирет.
