КРдин Олимпиадалык курамасы Nike же Adidas фирмасынын кийимдерин кийет

© Sputnik / Алексей Филиппов / Медиабанкка өтүүКРдин Олимпиадалык курамасы Nike же Adidas фирмасынын кийимдерин кийет
КРдин Олимпиадалык курамасы Nike же Adidas фирмасынын кийимдерин кийет - Sputnik Кыргызстан
Жазылуу
Кыргызстандык спортчулардын спорт кийимдерин буга чейин ата мекендик Bigser фирмасы тигип келген. Бир комплекттин баасы 37 миң сомго чамалап барчу.

БИШКЕК, 15-май — Sputnik. 2016-жылы Рио-де-Жанейро шаарында болчу Олимпиадалык оюндарга катыша турган кыргызстандык спортчулардын кийимдерин дүйнөлүк бренд саналган Nike же Adidas фирмалары камсыздай турганын Улуттук олимпиадалык комитеттин башкы катчысы Канат Аманкулов Sputnik сайтынын кабарчысына билдирди.

Кыргызстандык спортчулардын спорт кийимдерин буга чейин ата мекендик Bigser фирмасы тигип келген. Бир комплекттин баасы 37 миң сомго чамалап барчу.

Аманкуловдун айтымында, башка чара жоктугунан жана каржылоо тартыш болгондуктан, спортчуларды кийим менен Bigser фирмасы камсыздап келген. Анын баары мамлекеттин эсебинен сатып алынчу.

"Каржылоо жагынан жардам бере турган демөөрчүлөрдү таптык. Эми биз мамлекеттин каражатын кийимге коротпойбуз. Дүйнөлүк спорт бренди болуп калган фирмалар бизге жакшы шарттарды сунуштап жатат. Тагыраак айтканда, алар тараптан 50 пайыздан ашык жеңилдик каралууда", — дейт УОКтун башчысы.

Келишим кийинки жумада түзүлөт.

"Биз Бразилияга сөзсүз жакшы спорт формасы менен барабыз", — деди Аманкулов.

Ал ошондой эле, спортчулардын классикалык кийиминде Кыргызстандын Улуттук олимпиада комитетинин эмблемасы боло турганын айтып, формалардын болжолдуу эскиздери азырынча жок экенин кошумчалады.

"Келишим түзгөндөн кийин спортчулар менен машыктыруучулар же Nike фирмасын, же Adidas фирмасын тандашат. Эгер Олимпиадалык оюндарга катыша турган кыргызстандык спортчулардын саны 10 кишиден ашса, орнамент түшүрүлгөн эксклюзивдүү формаларды тиктирмекпиз", — деди Аманкулов.

Олимпиадалык оюндар 2016-жылдын жай айында Бразиялиянын Рио-де-Жанейро шаарында өтөт.

Жаңылыктар түрмөгү
0